ସେଞ୍ଚୁରିଅନ ଟେଷ୍ଟ: ଡିଭିଲିୟର୍ସଙ୍କ ଅର୍ଦ୍ଧଶତକ, ଦ.ଆଫ୍ରିକା ୧୧୮ ରନରେ ଆଗୁଆ
ସେଞ୍ଚୁରିଅନ: ଏଠାରେ ଚାଲିଥିବା ଭାରତ-ଦକ୍ଷିଣ ଆଫ୍ରିକା ୨ୟ ଟେଷ୍ଟର ୩ୟ ଦିନ ଖେଳ ଶେଷସୁଦ୍ଧା ଘରୋଇ ଦକ୍ଷିଣ ଆଫ୍ରିକା ନିଜର ସ୍ଥିତି ସୁଦୃଢ କରିଛି । ତେବେ ବର୍ଷା ଓ ଖରାପ ଆଲୋକ କାରଣରୁ ଆଜିର ଖେଳ ଅଟକି ରହିଥିଲା । ସେ ସମୟ ସୁଦ୍ଧା ଦକ୍ଷିଣ ଆଫ୍ରିକା ଏବି ଡିଭିଲିୟର୍ସଙ୍କ ଚମତ୍କାର ଅର୍ଦ୍ଧଶତକ ସହ ନିଜର ସ୍ଥିତିକୁ ଦୃଢ କରିବା ସହ ୧୧୮ ରନରେ ଆଗୁଆ ରହିଛି । ଦକ୍ଷିଣ ଆଫ୍ରିକା ନିଜର ୨ୟ ଇନିଙ୍ଗସ ଆରମ୍ଭରୁ ୨ଟି ଓ୍ଵିକେଟ୍ ହରାଇବା ସହ ବିପଦରେ ପଡିଥିଲା । ଜସପ୍ରିତ ବୁମରା ଆରମ୍ଭରୁ ୩ ଓ୍ଵିକେଟ୍ ନେଇ ଘରୋଇ ଦଳକୁ ଝଟକା ଦେଇଥିଲେ । କିନ୍ତୁ ଡିଭିଲିୟର୍ସ ସତର୍କତାର ସହ ଖେଳିବା ସହ ୭୮ ବଲରେ ନିଜର ୫୦ ରନ ପୂରଣ କରିଥିଲେ । ତାଙ୍କ ସହ ଡିନ ଏଲଗାର ମଧ୍ୟ ୩୮ ରନ ସହ ଅପରାଜିତ ଅଛନ୍ତି ଓ ଦକ୍ଷିଣ ଆଫ୍ରିକାର ୨ ଓ୍ଵିକେଟରେ ୯୦ ରନ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ଏହା ପୂର୍ବରୁ ଅଧିନାୟକ ବିରାଟ କୋହଲୀଙ୍କ ଲଢୁଆ ଶତକ ଫଳରେ ଭାରତୀୟ ଦଳ ଘରୋଇ ଦକ୍ଷିଣ ଆଫ୍ରିକାକୁ କଡ଼ା ଟକ୍କର ଦେଇଥିଲା ଓ ଦକ୍ଷିଣ ଆଫ୍ରିକାର ୩୩୫ ରନ ଜବାବରେ ୩୦୭ ରନରେ ଅଲଆଉଟ ହୋଇଯାଇଥିଲା । ଏହା ସହିତ ଭାରତ ୨୮ ରନରେ ପଛୁଆ ଥିଲା ।
ଆଜି ଭାରତ ଗତ କାଲିର ଅସମାପ୍ତ ୫ ଓ୍ଵିକେଟ୍ରେ ୧୮୩ ରନରୁ ଖେଳିବାକୁ ଆରମ୍ଭ କରିଥିଲା । ଅଧିନାୟକ କୋହଲି ଗତ କାଲିର ନିଜ ବ୍ୟକ୍ତିଗତ ୮୩ ରନରୁ ଆଗକୁ ଖେଳିବା ସହ ନିଜ କ୍ୟାରିୟରର ୨୧ତମ ଶତକ ପୂରଣ କରିଥିଲେ ।