ଭୁବନେଶ୍ବରରେ କର୍ପୋରେଟ୍ କ୍ରିକେଟ ଲିଗ୍ ଆୟୋଜନ କରିବ ଆଇସର୍ଭୟୁ

ଭୁବନେଶ୍ବର : ଭୁବନେଶ୍ୱରରେ ଖୁବ୍ ଶୀଘ୍ର ଆରମ୍ଭ ହେବ କର୍ପୋରେଟ କ୍ରିକେଟ ଲିଗ୍ । ରାଜଧାନୀର କର୍ପୋରେଟ ହାଉସ ଏବଂ ଷ୍ଟାର୍ଟଅପମାନେ ମଧ୍ୟ ସାମିଲ ହେବେ ଏହି କ୍ରିକେଟ୍ ଲିଗରେ ।   ଭୁବନେଶ୍ୱରରେ ବଢୁଥିବା କ୍ରିକେଟ କ୍ରେଜକୁ ଦେଖି କ୍ରିକେଟ ଲିଗ୍ ଆୟୋଜନ କରିବାକୁ ନିଷ୍ପତ୍ତି ନେଇଛି  ରାଜ୍ୟର ଅଗ୍ରଣୀ ବ୍ୟାଙ୍କିଙ୍ଗ ସେବା ପ୍ରଦାନ କରୁଥିବା ଫିନଟେକ କମ୍ପାନି ଆଇସର୍ଭୟୁ ।

ଖୁବ୍ ଶୀଘ୍ର  ଏହି ଲିଗର ରୂପରେଖ ନେଇ କମ୍ପାନୀ ପକ୍ଷରୁ ସୂଚନା ଦିଆଯିବ ବୋଲି ଆଇସର୍ଭୟୁର  ସିଏଚଓ  ଉମାକାନ୍ତ ସାହୁ ଗଣମାଧ୍ୟମକୁ ସୂଚନା ଦେଇଛନ୍ତି ।  ଆଇସର୍ଭୟୁ ପକ୍ଷରୁ  ଗତ ୨ ଦିନ ଧରି ସିଭି ରମଣ ଗ୍ରାଉଣ୍ଡରେ ସ୍ଵତନ୍ତ୍ର  କ୍ରିକେଟ୍ ଲିଗ୍ ଆୟୋଜନ କରାଯାଇଥିଲା । ଏଥିରେ ମୋଟ ୪ଟି ଟିମ ଭାଗନେଇଥିଲେ।  ଏହା ସହ ପ୍ରତ୍ୟେକ ମାସରେ କମ୍ପାନୀ ପକ୍ଷରୁ ଏଭଳି ଲିଗ୍ ଆୟୋଜନ କରାଯିବ ବୋଲି ସେ କହିଛନ୍ତି ।