ନୂଆଦିଲ୍ଲୀ: “ଧୋନୀଙ୍କ ବିନା ସିଏସକେ ନାହିଁ, ସିଏସକେ ବିନା ଧୋନୀ ନାହାନ୍ତି । ଧୋନୀ ସିଏସକେ, ଚେନ୍ନାଇ ଓ ତାମିଲନାଡୁର ଗୁରୁତ୍ୱପୂର୍ଣ୍ଣ ଅଙ୍ଗ”, ସୋମବାର ମହେନ୍ଦ୍ର ସିଂହ ଧୋନୀଙ୍କୁ ନେଇ କିଛି ଏଭଳି ପ୍ରତିକ୍ରିୟା ଦେଇଛନ୍ତି ଇଣ୍ଡିଆ ସିମେଣ୍ଟର ଉପାଧ୍ୟକ୍ଷ ଏନ୍ ଶ୍ରୀନିବାସନ୍।
Sambad is now on WhatsApp
Join and get latest news updates delivered to you via WhatsApp
ଚେନ୍ନାଇ ସୁପର କିଙ୍ଗସର ମାଲିକାନା ଏବେ ଇଣ୍ଡିଆ ସିମେଣ୍ଟସ୍ ପାଖରେ ରହିଛି, ଯାହାର ଉପାଧ୍ୟକ୍ଷ ଓ ପ୍ରବନ୍ଧ ନିର୍ଦ୍ଦେଶକ ହେଉଛନ୍ତି ଏନ ଶ୍ରୀନିବାସନ୍ । ତେବେ ସିଏସକେ ଆଇପିଏଲ୍ ଟ୍ରଫି ଜିତିବା ପରେ ଶ୍ରୀନିବାସନ ଟ୍ରଫି ସହିତ ସୋମବାର ସ୍ଥାନୀୟ ଏକ ମନ୍ଦିରକୁ ଦର୍ଶନ ପାଇଁ ଯାଇଥିଲେ । ଯେଉଁଠି ଗଣମାଧ୍ୟମକୁ ଉତ୍ତର ଦେଇ ଏଭଳି ପ୍ରତିକ୍ରିୟା ଦେଇଛନ୍ତି ଏନ୍ ଶ୍ରୀନିବାସନ।
ସୂଚନାଯୋଗ୍ୟ, କୋଲକାତାକୁ ହରାଇ ଚତୁର୍ଥ ଥର ପାଇଁ ଟ୍ରଫି ଜିତିଛି ଚେନ୍ନାଇ ସୁପରକିଙ୍ଗସ୍ । ତେବେ ଧୋନୀଙ୍କ ସହିତ ଚେନ୍ନାଇର ସମ୍ପର୍କ ମୂଳରୁ ହିଁ ରହିଆସିଛି । ୨୦୦୮ ମସିହାରୁ ସେ ଦଳର ଅଧିନାୟକ ଅଛନ୍ତି । ତେବେ ଗୁରୁତ୍ୱପୂର୍ଣ୍ଣ କଥା ହେଉଛି, ଆଗାମୀ ସିଜିନରୁ ଧୋନୀ ଦଳ ସହିତ ଜଡିତ ରହିବେ କି ନାହି ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ଆସନ୍ତାବର୍ଷକୁ ଆଇପିଏଲର ନିଲାମ ପ୍ରକ୍ରିୟା ହେବାକୁ ଅଛି । ଏହି ନିଲାମରେ ଧୋନୀ ସିଏସକେକୁ ଛାଡୁଛନ୍ତି, ନା ଧୋନୀଙ୍କ ପାଇଁ ସିଏସକେ ରିଟେନସନ୍ କାର୍ଡ ବ୍ୟବହାର କରୁଛନ୍ତି ତାହା ଉପରେ ନଜର ରହିଛି ।
ଧୋନୀଙ୍କ ନେତୃତ୍ୱରେ ସିଏସକେ ୪ର୍ଥ ଟ୍ରଫି ଜିତିଛି । ଏହାପୂର୍ବରୁ ଦଳ ୨୦୧୦,୨୦୧୧ ଓ ୨୦୧୮ ମସିହାରେ ଟ୍ରଫି ଜିତିଥିଲା । ଏବେ ଧୋନୀଙ୍କ ନେତୃତ୍ୱରେ ଦଳ ୪ର୍ଥ ଥର ପାଇଁ ଟ୍ରଫି ଜିତିଛି।