ନୂଆଦିଲ୍ଲୀ: ଟିମ୍ ଇଣ୍ଡିଆ ଏସିଆ କପ୍ ୨୦୨୨ର ଶେଷ ମ୍ୟାଚ୍ ଖେଳିବା ପୂର୍ବରୁ ଦ୍ରୁତ ବୋଲର ଦୀପକ ଚହର ଦଳରେ ପ୍ରବେଶ କରିଛନ୍ତି। ଏସିଆ କପ୍ ୨୦୨୨ରେ ଟିମ୍ ଇଣ୍ଡିଆର ଅନ୍ତିମ ମ୍ୟାଚ୍ ପାଇଁ ଆବେଶ ଖାନଙ୍କ ବଦଳରେ ଚୟନ କମିଟି ଦୀପକ ଚହରଙ୍କୁ ଚୟନ କରିଛି। ଆବେଶ ଖାନ ଅସୁସ୍ଥତାରୁ ଏବେ ଆରୋଗ୍ୟ ଲାଭ କରୁଛନ୍ତି ଏବଂ ବିସିସିଆଇ ଡାକ୍ତରୀ ଦଳ ତାଙ୍କୁ ବିଶ୍ରାମ ନେବାକୁ ପରାମର୍ଶ ଦେଇଛନ୍ତି।

Advertisment

ଦେଖିବାକୁ ଗଲେ ଏସିଆ କପ୍ ୨୦୨୨ରେ ଟିମ୍ ଇଣ୍ଡିଆ ପାକିସ୍ତାନ ପରେ ଶ୍ରୀଲଙ୍କାଠାରୁ ସୁପର ୪ମ୍ୟାଚ୍ ହାରିବା ପରେ ଟୁର୍ନାମେଣ୍ଟର ଫାଇନାଲ ଦୌଡ଼ରୁ ବହୁତ ଦୂରକୁ ଚାଲିଯାଇଛି। ତେବେ ଦଳକୁ ଆଜି ଆଫଗାନିସ୍ତାନ ବିପକ୍ଷ ଶେଷ ସୁପର ୪ମ୍ୟାଚ୍ ଖେଳିବାକୁ ପଡିବ। ଟିମ୍ ଇଣ୍ଡିଆର ଏହି ଶେଷ ମ୍ୟାଚରେ ଦୀପକ ଚହର ଦଳ ପାଇଁ ଖେଳିବେ ବୋଲି ଚର୍ଚ୍ଚା ଆରମ୍ଭ ହୋଇଛି।

ଉଲ୍ଲେଖଯୋଗ୍ୟ, ଦୀପକ ଚହର ରିଜର୍ଭର ଏକ ଅଂଶ ଥିଲେ ଏବଂ ଦଳ ସହ ନିରନ୍ତର ଅଭ୍ୟାସ କରୁଥିଲେ। କିନ୍ତୁ ବର୍ତ୍ତମାନ ଆବେଶ ଖାନ ଅସୁସ୍ଥ ହେବାରୁ ତାଙ୍କ ସ୍ଥାନରେ ଏସୀୟ କ୍ରିକେଟ୍ ପରିଷଦ (ଏସିସି)ର ଅନୁମତି ନେବା ପରେ ବିସିସିଆଇ ଦୀପକ ଚହରଙ୍କୁ ଅନ୍ତିମ ୧୫ରେ ସୁଯୋଗ ଦେଇଛି। ଏହି ଟୁର୍ନାମେଣ୍ଟରେ କେବଳ ଗୋଟିଏ ମ୍ୟାଚ୍ ଖେଳିଥିବା ଆର ଅଶ୍ୱିନଙ୍କ ସ୍ଥାନରେ ଚହରଙ୍କୁ ଖେଳିବାର ସୁଯୋଗ ମିଳିପାରେ ବୋଲି ଚର୍ଚ୍ଚା ଜୋର ଧରିଛି।