ଟୋକିଓ ଅଲିମ୍ପିକ୍‌ ଟେଷ୍ଟ ଇଭେଣ୍ଟ: ଦୀପିକାଙ୍କୁ ରୌପ୍ୟ

ଟୋକିଓ: ଭାରତର ଶ୍ରେଷ୍ଠ ମାନ୍ୟତାପ୍ରାପ୍ତ ମହିଳା ତୀରନ୍ଦାଜ୍‌ ଦୀପିକା କୁମାରୀ ଟୋକିଓ ଅଲିମ୍ପିକ୍‌ ଟେଷ୍ଟ ଇଭେଣ୍ଟରେ ବୁଧବାର ରୌପ୍ୟ ପଦକ ହାସଲ କରିଛନ୍ତି। ଚତୁର୍ଥ ମାନ୍ୟତା ପାଇଥିବା ଦୀପିକା କଡ଼ା ସଂଘର୍ଷ କରିବା ସତ୍ତ୍ବେ ମହିଳା ବର୍ଗ ଫାଇନାଲ୍‌ରେ ଦ୍ବିତୀୟ ମାନ୍ୟତାପ୍ରାପ୍ତ ୧୮ ବର୍ଷ ବୟସ୍କା କୋରିଆ ଝିଅ ଆନ୍‌ ସାନ୍‌ଙ୍କ ନିକଟରୁ ସିଧାସଳଖ ସେଟ୍‌ରେ ହାରି ରୌପ୍ୟରେ ସନ୍ତୁଷ୍ଟ ରହିଥିଲେ। ଅନ୍ୟପକ୍ଷରେ ଲାଇସ୍‌ରାମ ବୋମ୍ବାଲ୍ୟା ଦେବୀ ଦ୍ବିତୀୟ ରାଉଣ୍ଡରେ ମାଲେସିଆର ନୁର୍‌ ଆଲିୟା ଘାପରଙ୍କଠୁ ଏବଂ କୋମାଲିକା ବାରି ଇନ୍ନା ଷ୍ଟିପାନୋଭାଙ୍କଠୁ ହାରିଯାଇଥିଲେ। ସେହିପରି ପୁରୁଷ ବର୍ଗରେ ଦେଶର ଶ୍ରେଷ୍ଠ ମାନ୍ୟତାପ୍ରାପ୍ତ ଅତନୁ ଦାସ କୋରିଆର ବାଇ ଜେହ୍ୟୁନ୍‌ଙ୍କଠୁ ଦ୍ବିତୀୟ ରାଉଣ୍ଡ୍‌ରେ ହାରି ଯାଇଥିଲା ବେଳେ ତରୁଣଦୀପ ରାଏ ଓ ପ୍ରବୀଣ ଯାଦବ ଯୋଡ଼ି ପ୍ରଥମ ରାଉଣ୍ଡ୍‌ରୁ ବିଦାୟ ନେଇଥିଲେ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

ସମ୍ବନ୍ଧିତ ଖବର

Comments are closed.