ଶ୍ରେୟସ ଆୟରଙ୍କ ଧୂଆଁଧାର ବ୍ୟାଟିଂ, ଦିଲ୍ଲୀ ଆଗରେ ୨୨୯ ରନର ବିଶାଳ ଲକ୍ଷ୍ୟ ରଖିଲା କୋଲକାତା
ସାରଜା : ସାରଜା କ୍ରିକେଟ ଷ୍ଟାଡିୟମଠାରେ ଖେଳାଯାଉଥିବା ଆଇପିଏଲ ୨୦୨୦ର ୧୬ତମ ମ୍ୟାଚରେ ଦିଲ୍ଲୀ କ୍ୟାପିଟାଲ୍ସ କୋଲକାତା ନାଇଟ ରାଇଡର୍ସ ଆଗରେ ୨୨୯ ରନର ବିଶାଳ ବିଜୟ ଲକ୍ଷ୍ୟ ରଖିଛି ।
Sambad is now on WhatsApp
Join and get latest news updates delivered to you via WhatsApp
କୋଲକାତାର ଅଧିନାୟକ ଦିନେଶ କାର୍ତ୍ତିକ ଟସ ଜିଣି ଦିଲ୍ଲୀକୁ ବ୍ୟାଟିଂ ପାଇଁ ଆମନ୍ତ୍ରଣ କରିବା ପରେ ଦୁଇ ଓପନର ପୃଥ୍ଵୀ ସ’ ଓ ଶିଖର ଧଓ୍ଵନ ଦଳକୁ ଏକ ଭଲ ଆରମ୍ଭ ଦେଇଥିଲେ । ଉଭୟ ପ୍ରଥମ ଓ୍ଵିକେଟ ଯୋଡ଼ିରେ ୫୬ ରନ କରିଥିଲେ । ଧଓ୍ଵନ ୧୬ ରନ ଓ ସ’ ୬୬ ରନ କରି ଆଉଟ ହୋଇଥିଲେ । ତେବେ ୩ୟ ସ୍ଥାନରେ ଆସିଥିବା ଶ୍ରେୟସ ଆୟର ଧୂଆଁଧାର ବ୍ୟାଟିଂ କରି ମାତ୍ର ୩୮ ବଲରୁ ୬ ଛକା ଓ ୭ ଚୌକା ସହ ଅପରାଜିତ ୮୮ ରନ କରିଥିଲେ । ଋଷଭ ପନ୍ଥ ମଧ୍ୟ ମାତ୍ର ୧୭ ବଲରେ ୩୮ ରନ କରିଥିଲେ । ଏହା ଫଳରେ ଦିଲ୍ଲୀ ୨୦ ଓଭରରେ ୪ ଓ୍ଵିକେଟ ହରାଇ ୨୨୮ ରନ କରିଥିଲା ।
ଆଇପିଏଲରେ ଏପର୍ଯ୍ୟନ୍ତ କୋଲକତା ଦଳ ୩ଟି ମ୍ୟାଚ ଖେଳି ୨ଟିରେ ବିଜୟ ଓ ଗୋଟିଏରେ ପରାଜୟ ବରଣ କରିଛି । ଏହି ଦଳ ୪ ପଏଣ୍ଟ ସହ ପଏଣ୍ଟ ଟେବୁଲର ୩ୟ ସ୍ଥାନରେ ରହିଛି । ସେହିପରି ଦିଲ୍ଲୀ କ୍ୟାପିଟାଲ୍ସ ୩ଟି ମ୍ୟାଚ ଖେଳି ୨ଟିରେ ବିଜୟ ଓ ଗୋଟିଏରେ ପରାଜୟ ବରଣ କରି ୪ ପଏଣ୍ଟ ପାଇଛି ଓ ପଏଣ୍ଟ ଟେବୁଲର ୨ୟ ସ୍ଥାନରେ ରହିଛି ।