ଡେନ୍ମାର୍କ ପାରା ବ୍ୟାଡ୍ମିଣ୍ଟନ୍ରେ ପ୍ରମୋଦଙ୍କୁ ୨ କାଂସ୍ୟ
ଭୁବନେଶ୍ବର: ଓଡ଼ିଆ ପୁଅ ପ୍ରମୋଦ ଭଗତ ଡେନ୍ମାର୍କ ପାରା ବ୍ୟାଡ୍ମିଣ୍ଟନ୍ ପ୍ରତିଯୋଗିତାରେ କାଂସ୍ୟରେ ସନ୍ତୁଷ୍ଟ ହୋଇଛନ୍ତି। ସେ ଉଭୟ ଏକକ ଓ ଯୁଗଳ ସେମିଫାଇନାଲ୍ ହାରିଯାଇଥିଲେ। ଏକକରେ ନିଜ ଯୁଗଳ ସାଥୀ ମନୋଜ ସରକାରଙ୍କଠୁ ୧୫-୨୧, ୧୬-୨୧ରେ ଏବଂ ଯୁଗଳରେ ୨୦-୨୨, ୧୫-୨୧ରେ ଅନ୍ୟତମ ଭାରତୀୟ ଯୋଡ଼ି ବିକ୍ରମ କୁମାର ଓ ସୁହାଶ ଲି’ଙ୍କଠୁ ପରାଜିତ ହୋଇଥିଲେ। ଦୁଇ କାଂସ୍ୟ ସହ ପ୍ରମୋଦ ନିଜ ମୋଟ ପଦକ ସଂଖ୍ୟା ୧୯ (୧୦ ଏକକ, ୯ ଯୁଗଳ)ରେ ପହଞ୍ଚାଇଛନ୍ତି। ସେଥିରେ ଏକକ ବର୍ଗରେ ୭ ସ୍ବର୍ଣ୍ଣ, ୧ ରୌପ୍ୟ ଓ ୨ କାଂସ୍ୟ ଏବଂ ଯୁଗଳ ବର୍ଗରେ ୪ ସ୍ବର୍ଣ୍ଣ, ୩ ରୌପ୍ୟ ଓ ୨ କାଂସ୍ୟ ରହିଛି। ଏହି ପଦକ ବଳରେ ପ୍ରମୋଦ ପାରାଲିମ୍ପିକ୍ ଯୋଗ୍ୟତା ପଏଣ୍ଟ୍ ମାନ୍ୟତାରେ ୬୩୦୦ ପଏଣ୍ଟ୍ ସହ ଶୀର୍ଷ ସ୍ଥାନରେ ରହିଛନ୍ତି। ତାଙ୍କ ପଛକୁ ଡାନିଏଲ୍ ବିଥେଲ (୩୭୭୦) ଦ୍ବିତୀୟ ଏବଂ ମନୋଜ ସରକାର (୩୧୮୦) ତୃତୀୟରେ ରହିଛନ୍ତି।
ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |
Comments are closed.