ଢାକା: ବାଂଲାଦେଶ ବିପକ୍ଷ ଦ୍ବିତୀୟ ଟେଷ୍ଟ୍ରେ ୱେଷ୍ଟଇଣ୍ଡିଜ୍ ଦ୍ବିତୀୟ ପାଳିରେ ପ୍ରାରମ୍ଭିକ ବିପର୍ଯ୍ୟୟର ସମ୍ମୁଖୀନ ହୋଇଥିଲେ ମଧ୍ୟ ଭଲ ସ୍ଥିତିରେ ରହିଛି। ପ୍ରଥମ ପାଳିରେ ୧୧୩ ରନ୍ ଅଗ୍ରଣୀ ପାଇଥିବା ଭ୍ରମଣକାରୀ ଦଳ ତୃତୀୟ ଦିନ ସୁଦ୍ଧା ୪୧ ରନ୍ରେ ଦ୍ବିତୀୟ ପାଳିର ୩ ୱିକେଟ୍ ହରାଇ ଦେଇଛି। ହାତରେ ୭ ୱିକେଟ୍ ଥାଇ ୱେଷ୍ଟଇଣ୍ଡିଜ୍ ୧୫୪ ରନ୍ରେ ଆଗୁଆ ହୋଇ ସାରିଥିବାରୁ ନିୟନ୍ତ୍ରଣରେ ରହିଥିବା ବିଶ୍ବାସ କରାଯାଉଛି।
Sambad is now on WhatsApp
Join and get latest news updates delivered to you via WhatsApp
ଶନିବାର ବାଂଲାଦେଶ ଦ୍ବିତୀୟ ଦିନର ସ୍କୋର୍ ୧୦୫/୪ରୁ ଖେଳି ୨୯୬ ରନ୍ରେ ସମସ୍ତ ୱିକେଟ୍ ହରାଇଥିଲା। ଅଫସ୍ପିନର୍ ରଖିମ କର୍ଣ୍ଣୱାଲ୍ ନିଜ ଟେଷ୍ଟ୍ ଜୀବନର ଦ୍ବିତୀୟ ୫ ୱିକେଟ୍ ଦଖଲ କରିବାରୁ ବାଂଲାଦେଶ ଆଗକୁ ବଢ଼ିପାରିନଥିଲା। ପେସ୍ ବୋଲର ଯୋଡ଼ି ସାନନ୍ ଗାବ୍ରିଏଲ୍ ଏବଂ ଅଲଜାରି ଯୋସେଫ୍ ମିଳିତ ଭାବେ ଅବଶିଷ୍ଟ ୫ ୱିକେଟ୍ ନେଇ କର୍ଣ୍ଣୱାଲଙ୍କ ସହ ତାଳ ଦେଇଥିଲେ। ତଥାପି ୱିକେଟରକ୍ଷକ ଲିଟନ୍ ଦାସ (୭୧, ୧୩୩ ବଲ୍) ଏବଂ ମେହେଦି ହାସନ୍ (୫୭, ୧୪୦ ବଲ୍)ଙ୍କ ଅର୍ଧଶତକ କାରଣରୁ ବାଂଲାଦେଶ ଫଲୋଅନ୍ ଏଡ଼ାଇପାରିଥିଲା।
ସଂକ୍ଷିପ୍ତ ସ୍କୋର୍: ୱେଷ୍ଟଇଣ୍ଡିଜ୍ ପ୍ରଥମ ପାଳି ୪୦୯ (ଜୋସୁଆ ଦା ସିଲ୍ଭା-୯୨, ଏନ୍କ୍ରୁମା ବୋନର୍-୯୦, ଅଲ୍ଜେରି ଯୋସେଫ୍-୮୨, ଆବୁ ଜୟେଦ୍-୪/୯୮, ତୖଜୁଲ ଇସ୍ଲାମ୍-୪/୧୦୮)। ବାଂଲାଦେଶ ପ୍ରଥମ ପାଳି ୯୬.୫ ଓଭରରେ ୨୯୬ (ଲିଟନ ଦାସ-୭୧, ମେହେଦି ହାସନ ମିରାଜ-୫୭, ମୁସ୍ଫିକର ରହିମ୍-୫୪, ରଖିମ କର୍ଣ୍ଣୱାଲ-୫/୭୪, ସାନନ୍ ଗାବ୍ରିଏଲ୍-୩/୭୦, ଅଲ୍ଜେରି ଯୋସେଫ୍-୨/୬୦)। ୱେଷ୍ଟଇଣ୍ଡିଜ୍ ଦ୍ବିତୀୟ ପାଳି: ୨୧ ଓଭରରେ ୪୧/୩ (ଜନ୍ କ୍ୟାମ୍ପ୍ବେଲ୍-୧୮, ଏନ୍କ୍ରୁମା ବୋନର୍-୮*, ଜୋମେଲ୍ ୱାରିକାନ୍-୨*, ତୈଜୁଲ ଇସଲାମ୍-୧/୧୩, ନୟିମ୍ ହାସନ୍-୧/୧୪, ମେହେଦି ହାସନ୍ ମିରାଜ-୧/୧୪)।