‘ଦୀପକ ଯାହା ବି କୁହ ମୁଁ ଅଟୋଗ୍ରାଫ ଦେବିନି’ ଧୋନିଙ୍କ ଏହି ଅନ୍ଦାଜ ଆପଣ ଦେଖିଲେ ହସି ହସି ଗଡ଼ିଯିବେ
ଅହମ୍ମଦାବାଦ: ନରେନ୍ଦ୍ର ମୋଦୀ ଷ୍ଟାଡିୟମ୍ରେ ଖେଳାଯାଇଥିବା ଆଇପିଏଲ୍ ଫାଇନାଲ ମ୍ୟାଚରେ ଚେନ୍ନାଇ ୫ ୱିକେଟ୍ରେ ଗତଥରର ବିଜେତା ଗୁଜରାଟ ଟାଇଟନ୍ସକୁ ଶେଷ ବଲ୍ରେ ପରାସ୍ତ କରି ଟ୍ରଫି ହାସଲ କରିଛି। ଶେଷ ଦୁଇ ବଲ୍ରୁ ୧୦ ରନ୍ ଆବଶ୍ୟକ ଥିବାବେଳେ ମୋହିତ ଶର୍ମାଙ୍କୁ ଛକା ଓ ଚୌକା ମାରି ରବୀନ୍ଦ୍ର ଜାଦେଜା ଏହାକୁ ଧୋନିଙ୍କ ଷ୍ଟାଇଲରେ ଶେଷ କରିଥିଲେ। ତେବେ ଏହାକୁ ନେଇ ଚେନ୍ନାଇ ଶିବିରର ଖେଳାଳିଙ୍କ ମଧ୍ୟରେ ଆନନ୍ଦ ଖେଳିଯାଇଥିବାବେଳେ ଏବେ ଅଧିନାୟକ ମହେନ୍ଦ୍ର ସିଂ ଧୋନି ଏବଂ ଦୀପକ ଚହରଙ୍କ ଏକ ଭିଡିଓ ମଧ୍ୟ ଭାଇରାଲ ହେବାରେ ଲାଗିଛି। ଏହି ଭାଇରାଲ୍ ଭିଡିଓରେ ମହେନ୍ଦ୍ର ସିଂ ଧୋନି ଦୀପକ ଚହରଙ୍କୁ ଜର୍ସିରେ ଅଟୋଗ୍ରାଫ୍ ଦେବାକୁ ସମ୍ପୂର୍ଣ୍ଣ ମନା କରିଦେଉଥିବାର ଦେଖିବାକୁ ମିଳିଛି | ବାସ୍ତବରେ ଦୀପକ ବାରମ୍ବାର ଧୋନିଙ୍କୁ ଅନୁରୋଧ କରୁଥିଲେ ଯେ ତାଙ୍କ ଜର୍ସିରେ ଅଟୋଗ୍ରାଫଟିଏ ଦିଅନ୍ତୁ |
Sambad is now on WhatsApp
Join and get latest news updates delivered to you via WhatsApp
କିନ୍ତୁ ଧୋନି ଅଟୋଗ୍ରାଫ ଦେବାକୁ ରାଜି ହୋଇନଥିଲେ | ଧୋନି ମଧ୍ୟ ଏହି ସମୟରେ କିଛି ଅସନ୍ତୋଷ ବ୍ୟକ୍ତ କରିଥିଲେ, କିନ୍ତୁ ଧୋନିଙ୍କୁ ଏକଦମ ମଜାଳିଆ ମୂଡ଼ରେ ଦେଖିବାକୁ ମିଳିଥିଲା | ଏହି ସମୟରେ ଧୋନି ମ୍ୟାଚରେ କ୍ୟାଚ୍ ଡ୍ରପ୍ କରିଥିବାରୁ ଦୀପକଙ୍କୁ ମଜାଳିଆ ଢଙ୍ଗରେ ଟିଉସନ କରୁଥିବାର ନଜର ଆସିଥିଲେ | ପରବର୍ତ୍ତୀ ସମୟରେ ଦୀପକ ଚହର କୌଣସି ପ୍ରକାରେ ଧୋନିଙ୍କୁ ମନାଇଥିଲେ | ଧୋନି ମଧ୍ୟ ଦୀପକଙ୍କ ଜର୍ସିରେ ନିଜର ଅଟୋଗ୍ରାଫ ଦେଇଥିଲେ | ବାସ୍ତବରେ ଗୁଜୁରାଟ ଟାଇଟାନ୍ସର ଇନିଂସ ସମୟରେ ଦୀପକ ଚହର ଶୁଭମନ ଗିଲଙ୍କ ଏକ ସହଜ କ୍ୟାଚ୍ ଛାଡିଦେଇଥିଲେ। ଧୋନି ମ୍ୟାଚ୍ ପରେ ତାଙ୍କୁ ଏହା ବୁଝାଉଥିବାର ଦେଖିବାକୁ ମିଳିଥିଲା |