ପ୍ରଶଂସକଙ୍କ ସାମ୍ନାରେ ଭାବବିହ୍ଵଳ ହେଲେ ଏମ.ଏସ୍. ଧୋନି
ଚେନ୍ନାଇ ସୁପର କିଙ୍ଗସକୁ ଫେରିବା ପରେ ଧୋନିଙ୍କ ଭିଡିଓ ଭାଇରାଲ
ଚେନ୍ନାଇ: ଦୁଇ ବର୍ଷ ବାସନ୍ଦ ହେବା ପରେ ଆଇପିଏଲ ସିଜିନ-୧୧କୁ ଫେରିଛି ଚେନ୍ନାଇ ସୁପର କିଙ୍ଗସ । ଟିମ୍ ଏବେଠୁ ରଣନୀତି ପ୍ରସ୍ତୁତ କରିସାରିଛି । ଅଭ୍ୟାସ କରିବା ସହ ଖେଳାଳିମାନେ ବିଜ୍ଞାପନ ସୁଟିଙ୍ଗ ଓ ପ୍ରମୋଶନରେ ବ୍ୟସ୍ତ ଅଛନ୍ତିି । ଚେନ୍ନାଇ ସୁପର କିଙ୍ଗସର କ୍ୟାପ୍ଟେନ ଧୋନିଙ୍କ ଏକ ଭିଡିଓ ନିକଟରେ ଭାଇରାଲ ହୋଇଛି, ଏଥିରେ ପ୍ରଥମ ଥର ପାଇଁ ଧୋନି ତାଙ୍କ ଫ୍ୟାନ୍ଙ୍କ ସାମ୍ନାରେ ଭାବବିହ୍ଵଳ ହୋଇପଡିଥିଲେ।
Sambad is now on WhatsApp
Join and get latest news updates delivered to you via WhatsApp
ଧୋନି କହିଛନ୍ତି, ମୁଁ ପଛ କଥାକୁ ଭୁଲି ଭବିଷ୍ୟତ ପ୍ରତି ଧ୍ୟାନ ଦେଉଛି । ଆଗକୁ ଯାହା ହେବ ତାହା ଆମ ପାଇଁ ମହତ୍ତ୍ୱପୂର୍ଣ୍ଣ ଅଟେ । ମୁଁ ଦୁଇ ବର୍ଷ ହେଲା ପୁଣେ ସୁପରଜ୍ୟାଣ୍ଟ ପାଇଁ ଖେଳୁଥିବା ସମୟରେ ଯେତିକି ଖୁସି ଥିଲି, ଆଜି ଚେନ୍ନାଇ ଟିମ କୁ ଫେରିବା ପରେ ତାହା ଠାରୁ ଅଧିକ ଖୁସି ଅଛି ।
ସେହେବାଗ ଧୋନିଙ୍କୁ ପଚାରିଲେ, ଭାରତ ୨୦୧୯ ଓ୍ଵାଲଡ କପ୍ ଜିତିପାରିବ, ଯଦି ଧୋନି…
ଧୋନି କହିଲେ ମୁଁ ଯେବେଠୁ ଟି-ଟ୍ଵଣ୍ଟି ଖେଳିବା ଆରମ୍ଭ କରିଛି ସେବେଠୁ ଟିମ୍ ଇଣ୍ଡିଆ ପାଇଁ ଖେଳୁଛି । ଏହା ପରେ ମୁଁ ଆଇପିଏଲରେ ଆଠ ବର୍ଷ ଚେନ୍ନାଇ ସୁପର କିଙ୍ଗସ ପକ୍ଷରୁ ଖେଳିଲି । ଏଥି ପାଇଁ ନିଜକୁ ହଳଦିଆ ପୋଷାକରେ ଦେଖିବା ମୋ ପାଇଁ ଗୁରୁତ୍ତ୍ୱପୂର୍ଣ୍ଣ ଅଟେ । ଧୋନି ପୁଣି ଚେନ୍ନାଇକୁ ଉତ୍ସାହିତ କରିବା ପାଇଁ କହିଲେ ‘ ଉଇ ଆର ବ୍ୟାକ, ଉଇ ଆର ବ୍ୟାକ’ । ଏହା ପରେ ଧୋନିଙ୍କ ଆଖିରୁ ଲୁହ ବୋହୁଥିବା ଦେଖି ସାଥୀ ଖେଳାଳି ସୁରେଶ ରାଇନା ତାଙ୍କୁ ପାଣି ବୋତଲ ଦେଇଥିଲେ ।
ଚେନ୍ନାଇ ସୁପର କିଙ୍ଗସ ଧୋନି, ସୁରେଶ ରାଇନା, ଓ ଜାଡେଜାଙ୍କୁ ପୁଣି ଦଳକୁ ଫେରାଇ ଆଣିଛି । ଏଥର ଦଳର ପ୍ରଥମ ଲକ୍ଷ୍ୟ ହେଉଛି ଧୋନିଙ୍କ ନେତୃତ୍ତ୍ୱରେ ଆଇପିଏଲ ସିଜିନ-୧୧ର ବିଜେତା ହବ । ଏଥର ଚେନ୍ନାଇର ପ୍ରଥମ ମୁକାବୁଲା ଏପ୍ରିଲ ୭ ରେ ମୁମ୍ବାଇ ସହ ହେବ ।