ମୁମ୍ବାଇ : ଇଣ୍ଡିଆନ ପ୍ରିମିୟର ଲିଗରେ ମହେନ୍ଦ୍ର ସିଂ ଧୋନି ଆଜି ଏକ ବିରଳ ରେକର୍ଡ ସ୍ଥାପନ କରିଛନ୍ତି । ନିଜ ଦଳ ଚେନ୍ନାଇ ସୁପରକିଙ୍ଗସ ପାଇଁ ସେ ଆଜି ୨୦୦ତମ ମ୍ୟାଚ ଖେଳୁଛନ୍ତି । ପୂର୍ବରୁ କେବଳ ବିରାଟ କୋହଲି ଗୋଟିଏ ଦଳ ପାଇଁ ୨୦୦ଟି ମ୍ୟାଚ ଖେଳିବାର ରେକର୍ଡ କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ତେବେ ୨୦୦୮ରେ ଅନୁଷ୍ଠିତ ଆଇପିଏଲର ପ୍ରଥମ ସଂସ୍କରଣରୁ ହିଁ ଆଇପିଏଲ ଖେଳୁଥିବା ଧୋନି ଏପର୍ଯ୍ୟନ୍ତ ମୋଟ ୨୩୦ଟି ମ୍ୟାଚ ଖେଳିସାରିଲେଣି । ତେବେ ୨୦୧୬ ଓ ୨୦୧୭ରେ ସେ ରାଇଜିଂ ପୁନେ ସୁପରଜାଣ୍ଟସ ପାଇଁ ଖେଳିଥିଲେ । ଏହି ଦୁଇବର୍ଷ ସିଏସକେ ଦଳକୁ ନିଲମ୍ବିତ କରାଯାଇଥିଲା ।
ଅନ୍ୟପକ୍ଷରେ ବିରାଟ କୋହଲି ଏପର୍ଯ୍ୟନ୍ତ ବାଙ୍ଗାଲୋର (ଆରସିବି) ଦଳପାଇଁ ମୋଟ ୨୧୮ଟି ମ୍ୟାଚ ଖେଳିଛନ୍ତି । ୨୦୦୮ରୁ ହିଁ ସେ ଆରସିବି ପାଇଁ ଖେଳୁଛନ୍ତି । ଆଇପିଏଲରେ ସର୍ବାଧିକ ମ୍ୟାଚ ଖେଳିବାରେ ରେକର୍ଡ ଧୋନିଙ୍କ ନାମରେ ଥିବାବେଳେ ଗୋଟିଏ ଦଳ ପାଇଁ ସର୍ବାଧିକ ମ୍ୟାଚ ଖେଳିବାର ରେକର୍କ କୋହଲିଙ୍କ ନାମରେ ରହିଛି । ସୁରେଶ ରାଇନା ଏପର୍ଯ୍ୟନ୍ତ ୧୭୬ଟି ମ୍ୟାଚ ଖେଳିସାରିଛନ୍ତି ଓ ରବୀନ୍ଦ୍ର ଜାଦେଜା ୧୪୨ଟି ମ୍ୟାଚ ଖେଳିଛନ୍ତି ।
ସୂଚନାଯୋଗ୍ୟ ଯେ, ଆଜି ଆଇପିଏଲରେ ଚେନ୍ନାଇ ଓ ବାଙ୍ଗାଲୋର ଦଳ ମଧ୍ୟରେ ମୁକାବିଲା ଚାଲିଛି । ଏହି ମ୍ୟାଚରେ ଚେନ୍ନାଇ ଟସ ଜିତି ପ୍ରଥମେ ବୋଲିଂ କରୁଛି ।