ମୁମ୍ବାଇ : ଧୋନୀ ଫ୍ୟାନମାନଙ୍କ ପାଇଁ ଖୁସିଖବର । ଆସନ୍ତା ୨୦୨୩ ଆଇପିଏଲ ସିଜିନ ପାଇଁ ବି ସେ ଚେନ୍ନାଇ ସୁପରକିଙ୍ଗସର ଅଧିନାୟକତ୍ବ କରିବେ । ଏ ନେଇ ସେ ନିଜେ ସ୍ପଷ୍ଟ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସେ ଆସନ୍ତା ବର୍ଷ ପୁଣି ହଳଦିଆ ଜର୍ସିରେ ଫେରିବେ କି ନା ପଚରାଯିବାରୁ ତାହାର ଉତ୍ତରରେ ଧୋନୀ କହିଛନ୍ତି ଯେ ସେ ନିଶ୍ଚିତଭାବେ ଆସନ୍ତା ବର୍ଷ ଫେରିବେ । ତେବେ ଆସନ୍ତା ସିଜିନରେ ଯଦି ଆଇପିଏଲ ଦେଶର ଅନ୍ୟ ସ୍ଥାନରେ ବି ଅନିୁଷ୍ଠିତ ହେବେ ସାରାଦେଶରେ ଥିବା ନିଜ ଫ୍ୟାନମାନଙ୍କୁ ଧନ୍ୟବାଦ ଦେଇପାରିବେ ବୋଲି ସେ କହିଛନ୍ତି ।
ଆଜି (ଶୁକ୍ରବାର) ଆଇପିଏଲରେ ରାଜସ୍ଥାନ ରୟାଲ୍ସ ସହ ଖେଳୁଛି ଚେନ୍ନାଇ ସୁପରକିଙ୍ଗସ । ଏହି ମ୍ୟାଚ ପରେ ଧୋନୀ ଅବସର ନେବେ ବୋଲି ପୂର୍ବରୁ କଳ୍ପନା ଜଳ୍ପନା ଚାଲିଥିଲା । ଏ ପରିପ୍ରେକ୍ଷାରେ ଧୋନୀଙ୍କ ଏହି ବୟାନ ସବୁ କଳ୍ପନା ଜଳ୍ପନାର ଅନ୍ତ ଘଟାଇଛି ।
ଧୋନୀଙ୍କୁ ତାଙ୍କ ଭବିଷ୍ୟତ ଯୋଜନା ସଂପର୍କରେ ପଚରା ଗଲାରୁ ସେ ତାହାର ଉତ୍ତରରେ କହିଛନ୍ତି ଯେ, ଚେନ୍ନାଇ ପାଇଁ ନ ଖେଳିବା ଏକ ଅନ୍ୟାୟ ହେବ । ମୁମ୍ବାଇରେ ସେ ଅନେକ ଭଲପାଇବା ଓ ସଦିଚ୍ଛା ପାଇଛନ୍ତି । କିନ୍ତୁ ସିଏସକେ ଫ୍ୟାନମାନଙ୍କ ପାଇଁ ତାହା ଅନ୍ୟାୟ ହେବ ।
ସେ ଆହୁରି ମଧ୍ୟ କହିଛନ୍ତି ଯେ ଏହା ତାଙ୍କର ଶେଷ ଆଇପିଏଲ କି ନା ସେ କହିପାରିବେ ନାହିଁ । କାରଣ ଆସନ୍ତା ବର୍ଷ ଫେରିବାକୁ ସେ କଠିନ ପରିଶ୍ରମ କରୁଛନ୍ତି ।