କେକେଆରର ଅଧିନାୟକ ପଦବୀରୁ ଓହରିଗଲେ ଦୀନେଶ କାର୍ତ୍ତିକ
କୋଲକାତା: ଆଇପିଏଲ୍ ଫ୍ରାଞ୍ଚାଇଜ୍ କୋଲକାତା ନାଇଟ୍ ରାଇଡର୍ସର ଅଧିନାୟକ ଦୀନେଶ କାର୍ତ୍ତିକ ଆଇପିଏଲ୍ ମଝିରେ ଏକ ବଡ ନିଷ୍ପତ୍ତି ନେଇଛନ୍ତି। ସେ କେକେଆର ଦଳର ଅଧିନାୟକତ୍ୱରୁ ଓହରିଯାଇଛନ୍ତି । ବ୍ୟାଟିଂ ଉପରେ ଅଧିକ ଧ୍ୟାନ ଦେବା ଏବଂ ଦଳର ଉଦ୍ଦେଶ୍ୟକୁ ପୂରଣ କରିବା ପାଇଁ ଦୀନେଶ କାର୍ତ୍ତିକ ଏହି ନିଷ୍ପତ୍ତି ନେଇଛନ୍ତି। କାର୍ତ୍ତିକ ଅଧିନାୟକତ୍ୱ ଛାଡିବା ପରେ ଇଂଲଣ୍ଡର କ୍ରିକେଟର ଇଏନ୍ ମୋର୍ଗାନଙ୍କୁ ଦଳର ନୂତନ ଅଧିନାୟକ ଭାବରେ ଦାୟିତ୍ୱ ଦିଆଯାଇଛି |
Sambad is now on WhatsApp
Join and get latest news updates delivered to you via WhatsApp
ସୂଚନା ଥାଉ କି ଆଇପିଏଲର ୧୩ ତମ ସିଜନରେ କାର୍ତ୍ତିକଙ୍କ ବ୍ୟାଟିଂ ପ୍ରଦର୍ଶନ ନୈରାଶ୍ୟଜନକ ଥିଲା ଏବଂ ସେ ଏପର୍ଯ୍ୟନ୍ତ ଖେଳିଥିବା ସାତୋଟି ମ୍ୟାଚରେ ମାତ୍ର ଗୋଟିଏ ମ୍ୟାଚରେ ଅର୍ଦ୍ଧଶତକ କରିପାରିଥିଲେ | ସୂଚନା ଥାଉ କି ୨୦୧୮ ଆଇପିଏଲ୍ ସିଜନ୍ ଆରମ୍ଭ ପୂର୍ବରୁ କୋଲକାତା ପକ୍ଷରୁ ଦୀନେଶ କାର୍ତ୍ତିକଙ୍କୁ ଅଧିନାୟକ କରାଯାଇଥିଲା |
କାର୍ତ୍ତିକ ୨୦୧୮ ଏବଂ ୨୦୧୯ ରେ କେକେଆର ପାଇଁ ଅଧିନାୟକ ଭାବେ କାର୍ଯ୍ୟ କରିଛନ୍ତି | କେକେଆର ସିଇଓ ଭେଙ୍କି ମାଇସୋର ଏକ ବିବୃତ୍ତିରେ କହିଛନ୍ତି ଯେ ଦୀନେଶ କାର୍ତ୍ତିକଙ୍କ ପରି ଜଣେ ଅଧିନାୟକ ରହିଥିବାରୁ ଆମେ ଭାଗ୍ୟବାନ, ଯିଏ ସର୍ବଦା ଦଳକୁ ପ୍ରାଥମିକତା ଦେଇଥିଲେ। କେକେଆର୍ ଏପର୍ଯ୍ୟନ୍ତ ଖେଳିଥିବା ସାତୋଟି ମ୍ୟାଚ୍ ମଧ୍ୟରୁ ଚାରିଟି ଜିତି ତିନୋଟି ହାରିଛି। ତାଙ୍କ ଦଳ ପଏଣ୍ଟ ଟେବୁଲରେ ଚତୁର୍ଥ ସ୍ଥାନ ଅଧିକାର କରିଛି।