ଉନ୍ନତ ପ୍ରଦର୍ଶନ ପାଇଁ ଦ୍ରାବିଡ଼ଙ୍କ ପାଖରୁ ଗୁରୁମନ୍ତ୍ର ନେବେ ଏହି ୫ ଖେଳାଳି
ନୂଆଦିଲ୍ଲୀ: ଭାରତ-ବାଂଲାଦେଶ ଆସନ୍ତା ନଭେମ୍ବର ୨୨ତାରିଖରୁ ୨୬ ତାରିଖ ଯାଏଁ କୋଲକାତାର ଇଡେନ ଗାର୍ଡେନରେ ପ୍ରଥମ ଦିବାରାତ୍ର ଟେଷ୍ଟ ମ୍ୟାଚ ଖେଳିବେ | ଦିବାରାତ୍ର ଟେଷ୍ଟ ମ୍ୟାଚ ଗୋଲାପୀ ବଲରେ ଖେଳାହେବାକୁ ଥିବାବେଳେ ଯାହାକୁ ନେଇ ଟିମ ଇଣ୍ଡିଆର କିଛି ଖେଳାଳି ଏହାକୁ ନେଇ ନିଜକୁ ପ୍ରସ୍ତୁତ କରିବେ | ତେବେ ଏହି ଖେଳାଳିମାନଙ୍କୁ ଟିମ ଇଣ୍ଡିଆର ପୂର୍ବତନ ଖେଳାଳି ତଥା ଦୁର୍ଦ୍ଧଷ ବ୍ୟାଟ୍ସମ୍ୟାନ ରାହୁଲ ଦ୍ରାବିଡ଼ ଟ୍ରେନିଂ ଦେବେ | ଭାରତୀୟ ଟିମର ପୂର୍ବତନ ଅଧିନାୟକ ତଥା ରାଷ୍ଟ୍ରୀୟ କ୍ରିକେଟ ଏକାଡେମୀର ମୁଖ୍ୟ ରାହୁଲ ଦ୍ରାବିଡ଼ ଭାରତୀୟ ଟିମର ପାଞ୍ଚ ଜଣ ଖେଳାଳିଙ୍କୁ ଗୋଲାପୀ ବଲରେ କିଭଳି ଉନ୍ନତ ପ୍ରଦର୍ଶନ କରିବେ ସେ ନେଇ ଟ୍ରେନିଂ ଦେବେ |
Sambad is now on WhatsApp
Join and get latest news updates delivered to you via WhatsApp
ଦିବାରାତ୍ର ଟେଷ୍ଟ ପୂର୍ବରୁ କ୍ରିକେଟ ଏକାଡେମୀରେ ଆରମ୍ଭ ହେବାକୁ ଥିବା ଏହି ଟ୍ରେନିଂରେ ଉପ ଅଧିନାୟକ ଆଜିଙ୍କ୍ୟ ରାହାଣେ, ଚେତ୍ତେଶ୍ୱର ପୂଜାରା, ମୟଙ୍କ ଅଗ୍ରୱାଲ, ମହମ୍ମଦ ସମୀ ଓ ରବୀନ୍ଦ୍ର ଜାଡେଜାଙ୍କ ନାମ ସାମିଲ କରାଯାଇଛି | କ୍ରିକେଟ ଏକାଡେମୀରେ ରାହୁଲ ଦ୍ରାବିଡ଼ ଏହି ଖେଳାଳିମାନଙ୍କୁ ଗୁରୁ ମନ୍ତ୍ର ଦେବେ |
ବାଙ୍ଗାଲୋରରେ ଥିବା କ୍ରିକେଟ ଏକାଡେମୀରେ ଦ୍ରାବିଡ଼ ପୁରା ଦିନ ଏହି ପାଞ୍ଚ ଜଣ ଖେଳାଳିଙ୍କୁ ପିଙ୍କ ବଲରେ ଖେଳିବାର ଶିକ୍ଷାଦାନ ଦେବେ | ତେବେ ପ୍ରଥମେ ଉଭୟ ଦିନ ଓ ରାତିରେ ଟ୍ରେନିଂ ଦେବାକୁ ଯୋଜନା ହୋଇଥିବାବେଳେ କିଛି କାରଣ ପାଇଁ କେବଳ ଦିନରେ ଏହି ଶିକ୍ଷାଦାନ ଦିଆଯିବ |