ଭୁବନେଶ୍ବର : ମଞ୍ଚେଶ୍ବରସ୍ଥିତ ଇଡ୍‌କୋ ପଡ଼ିଆରେ ଚାଲିଥିବା ଇ-ଲିଗ୍‌ କ୍ରିକେଟ୍‌ ପ୍ରତିଯୋଗିତାରେ ଶନିବାର ଇକୋର୍ସା ୫ ୱିକେଟ୍‌ରେ ଏଲିଟ୍‌ କୋଲଟ୍ସକୁ ହରାଇଛି। ଟସ୍‌ ଜିତି ବ୍ୟାଟିଂ ନେଇଥିବା ମ୍ୟାଚ୍‌ରେ ଏଲିଟ୍‌ କୋଲଟ୍ସ ୬ ୱିକେଟ୍‌ ବିନିମୟରେ ୨୦୨ ରନ୍‌ କରିଥିଲା। ଅଂଶୁମାନ ସାହୁ ୬୮, ରୋହିତ ସାଗର ୫୦, ସାଇ ଶୁଭମ୍‌ ୪୯ ରନ୍‌ କରିଥିଲେ। ପ୍ରତିପକ୍ଷର ସୂର୍ଯ୍ୟକାନ୍ତ ପ୍ରଧାନ ୩୪ ରନ୍‌ ବିନିମୟରେ ୪ ୱିକେଟ୍‌ ଦଖଲ କରିଥିଲେ। ୨୦୩ ରନ୍‌ର ଲକ୍ଷ୍ୟକୁ ଇକୋର୍ସା ୨୮.୫ ଓଭରରେ ଅଧା ୱିକେଟ୍‌ ହରାଇ ହାସଲ କରିଥିଲା। ବିଜୟୀ ଦଳ ପକ୍ଷରୁ ଅଭିଷେକ ଯାଦବ ୭୮ ବଲ୍‌ରୁ ୧୨୮ ରନ୍‌ର ଶତକୀୟ ପାଳି ଖେଳିଥିଲା ବେଳେ ଗିରିଜା ରାଉତ ୪୩ ରନ୍‌ ଯୋଡ଼ିଥିଲେ। ଅଭିଷେକଙ୍କୁ ମ୍ୟାଚ୍‌ର ଶ୍ରେଷ୍ଠ ଖେଳାଳି ଭାବେ ଟିସିଏସ୍‌ କନସଲ୍‌ଟିଂ ପାର୍ଟନର ଶ୍ରୀକାନ୍ତ କୁମାର ଜେନା ପୁରସ୍କୃତ କରିଥିଲେ। ଏହି ମ୍ୟାଚ୍‌କୁ ସୁନୀଲ କୁମାର ବେହେରା ଓ ରାଜଦୀପ ରୋହନ ଦାସ ପରିଚାଳନା କରିଥିଲେ।