ଚେନ୍ନାଇ : ସ୍ଥାନୀୟ ଏମ. ଏ. ଚିଦାମ୍ବରମ ଷ୍ଟାଡିୟମଠାରେ ଚାଲିଥିବା ଭାରତ-ଇଂଲଣ୍ଡ ଟେଷ୍ଟର ୨ୟ ଦିନର ଖେଳ ସମାପ୍ତି ସୁଦ୍ଧା ଇଂଲଣ୍ଡ ୫୫୫ ରନର ବିଶାଳ ସ୍କୋର ସହ ନିଜ ସ୍ଥିତିକୁ ସୁଦୃଢ କରିଛି । ନିଜ କ୍ୟାରିୟରର ୧୦୦ତମ ଟେଷ୍ଟ ଖେଳୁଥିବା ଇଂଲଣ୍ଡ ଅଧିନାୟକ ଦ୍ବିଶତକ ହାସଲ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଇଂଲଣ୍ଡ ଆଜି ଗତକାଲିର ସ୍କୋର ୨୬୨/୩ରୁ ବ୍ୟାଟିଂ ଆରମ୍ଭ କରିଥିଲା । ରୁଟ ନିଜର ଲଢୁଆ ବ୍ୟାଟିଂ ଜାରି ରଖି ୨୧୮ ରନ କରିଥିଲେ । ସେ ବେନ ଷ୍ଟୋକ୍ସଙ୍କ ସହ ମିଶି ୧୨୪ ରନର ପାର୍ଟନରସିପ କରିଥିଲେ । ଷ୍ଟୋକ୍ସ ଆଉଟ ହେବା ପରେ ଇଂଲଣ୍ଡର ବ୍ୟାଟିଂ ଧାରା ଆଗକୁ ବଢ଼ାଇବାକୁ ପଡ଼ିଆକୁ ଆସିଥିବା ପୋପ ଓ ବଟଲର ଯଥାକ୍ରମେ ୩୪ ଓ ୩୦ ରନ କରିଥିଲେ । ଆଜି ଷ୍ଟମ୍ସ ଅପସାରଣ ବେଳକୁ ଇଂଲଣ୍ଡ ୮ ଓ୍ବିକେଟ ହରାଇ ୫୫୫ ରନ କରିଥିଲା।
ଗତକାଲି ଇଂଲଣ୍ଡ ଟସ ଜିଣି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା । ଦଳର ଦୁଇ ଓପନର ରୋରି ବର୍ନସ ଓ ଡୋମିନିକ ସିବଲି ସତର୍କତାର ସହ ବ୍ୟାଟିଂ ଆରମ୍ଭ କରିଥିଲେ । ତେବେ ବର୍ନସ ମାତ୍ର ୩୩ ରନ କରି ଆର. ଅଶ୍ବିନଙ୍କ ବଲରେ ଆଉଟ ହୋଇଥିଲେ । ତାଙ୍କ ପରେ ଆସିଥିବା ଡାନିଏଲ ଲରେନ୍ସ ଖାତା ଖୋଲିବା ପୂର୍ବରୁ ଆଉଟ ହୋଇଥିଲେ । ତେବେ ସିବଲି ସତର୍କତାର ସହ ନିଜର ବ୍ୟାଟିଂ ଜାରି ରଖି ଜୋ ରୁଟଙ୍କ ସହ ମିଶି ଦଳର ସ୍ଥିତିକୁ ସୁଦୃଢ କରିଥିଲେ ।
ଭାରତ ତରଫରୁ ଜସପ୍ରୀତ ବୁମରା, ଆର. ଅଶ୍ବିନ, ଇଶାନ୍ତ ଶର୍ମା ଓ ସାହାବାଜ ନଦିମ ୨ଟି ଲେଖାଏଁ ଓ୍ବିକେଟ ନେଇଥିଲେ ।