ଲର୍ଡସ : ଲର୍ଡ୍ସ ଟେଷ୍ଟ ଏକ ରୋଚକ ସ୍ଥିତିରେ ପହଞ୍ଚିଯାଇଛି, ଯେଉଁଠାରୁ ଟିମ ଇଣ୍ଡିଆ ପାଇଁ ବିଜୟ ସମ୍ଭାବନା ଦେଖାଯାଉଛି । ଇଂଲଣ୍ଡ ନିଜର ଦ୍ବିତୀୟ ଇନିଂସରେ ୧୯୨ ରନରେ ଅଲଆଉଟ ହୋଇଯାଇଛି । ଫଳରେ ଭାରତ ଆଗରେ ୧୯୩ ରନର ବିଜୟ ଲକ୍ଷ୍ୟ ରହିଛି ଓ ଭାରତ ପାଖରେ ପ୍ରାୟ ଦେଢ ଦିନ ରହିଛି । ଏଣୁ ଭାରତ ପାଇଁ ଏକ ନିଶ୍ଚିତ ବିଜୟ ସମ୍ଭାବନା ସୃଷ୍ଟି ହୋଇଛି । 

Advertisment

ପ୍ରଥମ ଇନିଂସରେ ୩୮୭ ରନ କରିଥିବା ଇଂଲଣ୍ଡ ନିଜର ଦ୍ବିତୀୟ ଇନିଂସରେ ମାତ୍ର ୧୯୨ ରନ କରି ଅଲଆଉଟ ହୋଇଯାଇଥିଲା । ଦଳ ପକ୍ଷରୁ ଜୋ ରୁଟ ୪୦ ରନ କରିଥିବାବେଳେ ବେନ ଷ୍ଟୋକ୍ସ ୩୩ ରନ ଓ ହେରୀ ବ୍ରୁକ ୨୩ ରନ କରିଥିଲେ । ଭାରତ ପକ୍ଷରୁ ଓ୍ବାସିଂଟନ ସୁନ୍ଦର ୪ଟି ଓ୍ବିକେଟ ନେଇଥିବାବେଳେ ଯସପ୍ରୀତ ବୁମରା ଓ ମହମ୍ମଦ ସିରାଜ ୨ଟି ଲେଖାଏଁ ଓ୍ବିକେଟ ନେଇଥିଲେ । ନୀତୀଶ ରେଡ୍ଡୀ ଓ ଆକାଶ ଦୀପ ଗୋଟିଏ ଲେଖାଏଁ ଓ୍ବିକେଟ ନେଇଥିଲେ । 

ସୂଚନାଯୋଗ୍ୟ ଯେ ଭାରତ ମଧ୍ୟ ନିଜର ପ୍ରଥମ ଇନିଂସରେ ୩୮୭ ରନ କରି ଅଲଆଉଟ ହୋଇଯାଇଥିଲା । ଦଳ ପକ୍ଷରୁ କେଏଲ ରାହୁଲ ୧୦୦ ରନ କରିଥିବାବେଳେ ଋଷଭ ପନ୍ତ ଓ ରବୀନ୍ଦ୍ର ଜାଦେଜା ଅର୍ଦ୍ଧଶତକ ଅର୍ଜନ କରିଥିଲେ ।