ଧୋନୀଙ୍କୁ ପଡିଆରେ ପଶି ସାଷ୍ଟାଙ୍ଗ ପ୍ରଣାମ କଲେ ପ୍ରଶଂସକ
ଚେନ୍ନାଇ: ଦୀର୍ଘ ସମୟ ଧରି ପଡିଆରୁ ଦୂରେଇ ରହିଥିଲେ ମଧ୍ୟ କମିନାହିଁ ମହେନ୍ଦ୍ର ସିଂ ଧୋନୀଙ୍କ କ୍ରେଜ । ଆଇପିଏଲ ଆରମ୍ଭ ହେବାକୁ ଥିବା ବେଳେ ଅଭ୍ୟାସ ପାଇଁ ପଡିଆକୁ ଓହ୍ଳାଇଛନ୍ତି ଧୋନୀ । ସାରା ବିଶ୍ୱରେ ଧୋନୀଙ୍କ ଫ୍ୟାନ ଥିବା ବେଳେ ସେ ଚେନ୍ନାଇ ସୁପର କିଙ୍ଗସର କ୍ୟାପେଟନ ଥିବା ଯୋଗୁଁ ବିଶେଷ ଭାବରେ ଚେନ୍ନାଇରେ ତାଙ୍କ ପ୍ରଶଂସକଙ୍କ ସଂଖ୍ୟା ଢେର ଅଧିକ ।
Sambad is now on WhatsApp
Join and get latest news updates delivered to you via WhatsApp
ଚେନ୍ନାଇର ଏମଏ ଚିଦାମ୍ବରମ ଷ୍ଟାଡିୟମରେ ଧୋନୀ ଆଇପିଏଲ ପାଇଁ ଅଭ୍ୟାସ କରୁଥିବା ବେଳେ ଜଣେ ପ୍ରଶଂସକ ସୁରକ୍ଷା ବ୍ୟବସ୍ଥାକୁ ମାତ୍ ଦେଇ ତାଙ୍କ ନିଟକରେ ପହଂଚି ଯାଇଥିଲେ । କେବଳ ଏତିକି ନୁହେଁ ସେ ଧୋନୀଙ୍କ ପାଦ ତଳେ ପଡିଯାଇ ତାଙ୍କୁ ସାଷ୍ଟାଙ୍ଗ ପ୍ରଣାମ ଜଣାଇଥିଲେ । ତେବେ ଷ୍ଟାଡିୟମରେ ଉପସ୍ଥିତ ସୁରକ୍ଷା କର୍ମୀ ତାଙ୍କୁ ଧରିବା ପୂର୍ବରୁ ସେ ଧୋନୀଙ୍କ ପାଦ ତଳେ ପଡିଯାଇଥିବା ଦେଖିବାକୁ ମିଳିଥିଲା । ଏହି ଭିଡିଓ ଏବେ ଭାଇରାଲ ହେବାରେ ଲାଗିଛି ।
ଏହାପରେ ଗ୍ରାଉଣ୍ଡ ଷ୍ଟାଫ ଓ ସୁରକ୍ଷାକର୍ମୀମାନେ ପ୍ରଶଂସକଙ୍କୁ ପଡିଆ ବାହାରକୁ ନେଇଯାଇଥିଲେ । ସିଏସକେ ଟିମ୍ ଏବେ ଏମଏ ଚିଦାମ୍ବରମ ଷ୍ଟାଡିୟମରେ ଅଭ୍ୟାସ କରୁଥିବା ବେଳେ ଧୋନୀଙ୍କୁ ଦେଖିବା ପାଇଁ ପ୍ରବଳ ଭିଡ ଜମୁଛି । ୨୦୧୯ ବିଶ୍ୱ କପ ପରଠାରୁ କୌଣସି ମ୍ୟାଚ ଖେଳିନାହାନ୍ତି ମହେନ୍ଦ୍ର ସିଂହ ଧୋନୀ ।