ନୂଆଦିଲ୍ଲୀ: ଜମ୍ମୁ-କଶ୍ମୀରର ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣରେ ୨୬ ଜଣ ନିରୀହ ପର୍ଯ୍ୟଟକଙ୍କ ମୃତ୍ୟୁ ହୋଇଥିଲା। ଏହି ଆକ୍ରମଣ ପରେ, ସମଗ୍ର ଦେଶରେ ଶୋକ ଏବଂ କ୍ରୋଧର ବାତାବରଣ ରହିଛି। ଆତଙ୍କବାଦୀଙ୍କୁ ଧରିବା ପାଇଁ ସୁରକ୍ଷା ବାହିନୀ ନିରନ୍ତର ସର୍ଚ୍ଚ ଅପରେସନ୍ ଜାରି ରଖିଛନ୍ତି। ଆତଙ୍କବାଦୀ ଆକ୍ରମଣ ପରେ କେନ୍ଦ୍ର ସରକାର ମଧ୍ୟ ଆକ୍ସନ ମୋଡରେ ଅଛନ୍ତି ଏବଂ ପଡ଼ୋଶୀ ଦେଶ ବିରୋଧରେ ବଡ଼ ନିଷ୍ପତ୍ତି ନେଇଛନ୍ତି।

Advertisment

ସିନ୍ଧୁ ଜଳ ଚୁକ୍ତି ସ୍ଥଗିତ ରଖିବା, ଅଟାରୀ-ୱାଘା ଚେକ୍‌ପୋଷ୍ଟ ତୁରନ୍ତ ବନ୍ଦ କରିବା, ଯେଉଁମାନେ ବୈଧ ଅନୁମୋଦନ ସହିତ ସୀମା ଅତିକ୍ରମ କରିଛନ୍ତି ସେମାନେ ମେ ୧, ୨୦୨୫ ପୂର୍ବରୁ ସେହି ମାର୍ଗ ଦେଇ ଫେରିବା ଏବଂ ପାକିସ୍ତାନୀ ନାଗରିକଙ୍କୁ ଭାରତରେ ପ୍ରବେଶ ଉପରେ ରୋକ ଲଗାଇବା ଭଳି କଠୋର ପଦକ୍ଷେପ ଗ୍ରହଣ କରିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ସୁରକ୍ଷା ସଂକ୍ରାନ୍ତ କ୍ୟାବିନେଟ୍ କମିଟି (ସିସିଏସ୍) ବୈଠକରେ ନିଷ୍ପତ୍ତି ନିଆଯାଇଛି। 

ଏମଧ୍ୟରେ ପାକିସ୍ତାନ କ୍ରିକେଟ୍ ବୋର୍ଡ (ପିଏସ୍ଏଲ୍) ଉପରେ ଭାରତ ପକ୍ଷରୁ ଏକ 'କ୍ରିକେଟିଂ ଷ୍ଟ୍ରାଇକ୍' କରାଯାଇଛି। କ୍ରୀଡା ପ୍ରସାରଣ ପ୍ଲାଟଫର୍ମ ଫ୍ୟାନକୋଡ୍ ପାକିସ୍ତାନ ସୁପର ଲିଗ୍ (ପିଏସଏଲ)ର ଷ୍ଟ୍ରିମିଂ ବନ୍ଦ କରିବାକୁ ନିଷ୍ପତ୍ତି ନେଇଛି। ୨୪ ଏପ୍ରିଲଠାରୁ ଫ୍ୟାନକୋଡରେ ପିଏସଏଲ ମ୍ୟାଚ୍ ଷ୍ଟ୍ରିମିଂ ଉପଲବ୍ଧ ହେବ ନାହିଁ। ଏହି ନିଷ୍ପତ୍ତି ପରେ, ପିଏସଏଲର ଡିଜିଟାଲ ଦର୍ଶକଙ୍କ ସଂଖ୍ୟାରେ ଏକ ବଡ଼ ହ୍ରାସ ହେବାର ସମ୍ଭାବନା ରହିଛି, ଯାହା ସିଧାସଳଖ ପାକିସ୍ତାନ କ୍ରିକେଟ ବୋର୍ଡର ରାଜସ୍ୱକୁ ପ୍ରଭାବିତ କରିବ।

ଏହା ସହିତ, କ୍ରିକେଟ୍ ଫ୍ୟାଣ୍ଟାସି ଆପ୍ ଡ୍ରିମ୍-୧୧ ମଧ୍ୟ ପାକିସ୍ତାନ ସୁପର ଲିଗ୍ ୨୦୨୫କୁ ନେଇ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଏବେ ଡ୍ରିମ୍-୧୧ ବ୍ୟବହାରକାରୀମାନେ ପାକିସ୍ତାନ ସୁପର ଲିଗ୍ (ପିଏସଏଲ) ମ୍ୟାଚ୍ ପାଇଁ ଏହି ଆପରେ ସେମାନଙ୍କର ପ୍ରିୟ ଦଳ ତିଆରି କରିପାରିବେ ନାହିଁ। ଡ୍ରିମ-୧୧ ତା’ର ପ୍ଲାଟଫର୍ମରୁ ସମସ୍ତ ପିଏସଏଲ ମ୍ୟାଚ୍ ହଟାଇ ଦେଇଛି।