ଶୀର୍ଷରେ ସନ୍‌ରାଇଜ୍, ରାଇଜିଂଷ୍ଟାର

କଟକ: ବାରବାଟୀ ଷ୍ଟାଡିୟମରେ ଚାଲିଥିବା ଫାଓ ଲିଗ୍‌ର ଡାଇମଣ୍ଡ୍‌ ଓ ‌ଗୋଲଡ୍‌ ଗ୍ରୁପ୍‌ର ଲିଗ୍ ମ୍ୟାଚ୍‌ ଶେଷ ହୋଇଛି। ରବିବାର ଅନୁଷ୍ଠିତ ଦୁଇଟି ମ୍ୟାଚ୍‌ରୁ ୟଙ୍ଗ୍ ଗାଲେଣ୍ଟ୍‌ କ୍ଲବ ଉଦୟ କ୍ଲବ ପାଖରୁ ୱାକ୍ ଓଭର ପାଇ ବିଜୟୀ ହୋଇଛି। ଚାଉଳିଆଗଂଜ ଓ ରୟାଲ କ୍ଲବ୍ ମଧ୍ୟରେ ଅନୁଷ୍ଠିତ ମ୍ୟାଚ୍‌ ୨-୨ ଗୋଲ୍‌ରେ ଅମୀମାଂସତ ରହିଥିଲା।

ଚାଉଳିଆଗଂଜ ପକ୍ଷରୁ ସୁନ୍ଦର ସୋରେନ୍‌(୪୯)ରେ ଗୋଟିଏ ଗୋଲ୍ ଦେଇଥିଲା ବେଳେ ଅଭିମନ୍ୟୁ ମହାକୁଡ଼ (୬୯ ମିନିଟ୍‌)ରେ ଗୋଟିଏ ଗୋଲ୍‌ ଦେଇଥିଲେ। ଫାଓ ଲିଗ୍‌ର ଡାଇମଣ୍ଡ୍‌ ଓ ଗୋଲଡ୍‌ ଗ୍ରୁପ୍‌‌‌ ଲିଗ୍‌ ମ୍ୟାଚ୍‌ ଶେଷ ହେବା ପରେ ଡାଇମଣ୍ଡ କ୍ଲବ୍‌ର ସନ୍‌ରାଇଜ୍ କ୍ଲବ ୧୯ ପଏଣ୍ଟ୍ ସହିତ ଶୀର୍ଷରେ ଥିବା ବେଳେ ଗୋଲ୍‌ଡ ଗ୍ରୁପର ରାଇଜିଂ ‌ଷ୍ଟାର କ୍ଲବ୍ ୧୬ ପଏଣ୍ଟ୍‌ ସହିତ ଶୀର୍ଷରେ ରହିଛି। ଡାଇମଣ୍ଡ୍‌ ଗ୍ରୁପରେ ରାଧାମୋହନ କ୍ଲବ୍ ୧୩ ପଏଣ୍ଟ୍‌ ସହିତ ଦ୍ବିତୀୟ ସ୍ଥାନରେ ଥିବା ବେଳେ ଗୋଲ୍‌ଡ ଗ୍ରୁପର କିଶୋର କ୍ଲବ ୧୪ ପଏଣ୍ଟ୍‌ ସହିତ ଦ୍ବିତୀୟ ସ୍ଥାନରେ ରହିଛନ୍ତି।