ଏହି ଭୁଲ ଧୋନୀଙ୍କୁ ପଡ଼ିଲା ଭାରୀ, ରୁଜୁ ହେଲା ଏତଲା
ନୂଆଦିଲ୍ଲୀ: ବଢ଼ିଲା ପୂର୍ବତନ ଭାରତୀୟ ଅଧିନାୟକ ମହେନ୍ଦ୍ର ସିଂ ଧୋନିଙ୍କ ଅଡ଼ୁଆ। ଧୋନିଙ୍କ ବିରୋଧରେ ବିହାରରେ ରୁଜୁ ହେଲା ଏତଲା। ଧୋନିଙ୍କ ବ୍ୟତୀତ ବିହାରର ବେଗୁସରାଇ ପୁଲିସ ଷ୍ଟେସନରେ ଅନ୍ୟ ୭ ଜଣଙ୍କ ବିରୋଧରେ ଏତଲା ଦାଖଲ କରାଯାଇଛି। କୋର୍ଟରେ ଏହି ମାମଲାର ଶୁଣାଣି ପରେ ଏହାକୁ ନ୍ୟାୟିକ ମାଜିଷ୍ଟ୍ରେଟ୍ ଅଜୟ କୁମାର ମିଶ୍ରାଙ୍କ ବେଞ୍ଚକୁ ପଠାଇ ଦିଆଯାଇଛି । ଏହି ମାମଲାରେ ନ୍ୟୁ ଗ୍ଲୋବାଲ ପ୍ରଡ୍ୟୁସ କମ୍ପାନୀ ବି ସାମିଲ ରହିଛି, ଯାହା ପ୍ରଚାର କରନ୍ତି ଧୋନି।
Sambad is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମର ସୂଚନା ମୁତାବକ ବେଗୁସରାଇ ସିଜିଏମ କୋର୍ଟରେ ସୋମବାର ଦିନ ଏସ.କେ ଏଣ୍ଟରପ୍ରାଇଜେସ କମ୍ପାନି ଅଭିଯୋଗ କରିଥିଲା । ଏହି ମାମଲା ୩୦ ଲକ୍ଷ ଟଙ୍କାର ଚେକ୍ ବାଉନ୍ସ ସହିତ ଜଡିତ । ଏହି ଚେକ ନ୍ୟୁ ଗ୍ଲୋବାଲ ପ୍ରଡ୍ୟୁସ ଇଣ୍ଡିଆ ଲିମିଟେଡ ଏସ.କେ ଏଣ୍ଟରପ୍ରାଇଜେସ କମ୍ପାନିକୁ ଦେଇଥିଲା । ଏହି କମ୍ପାନିର ପ୍ରଚାର କରୁଥିଲେ ମହେନ୍ଦ୍ର ସିଂ ଧୋନି।
ତେବେ ଚେକ୍ ବାଉନ୍ସ ହେବା ପରେ ଏସ.କେ ଏଣ୍ଟରପ୍ରାଇଜେସ କମ୍ପାନି ନ୍ୟୁ ଗ୍ଲୋବାଲ ପ୍ରଡ୍ୟୁସ ଇଣ୍ଡିଆ ଲିମିଟେଡକୁ ଆଇନଗତ ନୋଟିସ ପଠାଇଥିଲା । ହେଲେ କମ୍ପାନି ତରଫରୁ ନୋଟିସର କୌଣସି ଜବାବ ଦିଆଯାଇ ନଥିଲା । ଏହାପରେ ଏସ.କେ ଏଣ୍ଟରପ୍ରାଇଜେସ କମ୍ପାନିର ମାଲିକ ନୀରଜ କୁମାର ନିରାଲା, ନ୍ୟୁ ଗ୍ଲୋବାଲ ପ୍ରଡ୍ୟୁସ ଲିମିଟେଡ ସହ ଆଇପିଏଲ ଟିମ୍ ଚେନ୍ନାଇ ସୁପର କିଙ୍ଗସ କ୍ୟାପଟେନ ମହେନ୍ଦ୍ର ସିଂ ଧୋନୀ ଓ ଅନ୍ୟ ୭ ଜଣଙ୍କ ନାମରେ କୋର୍ଟରେ ଅଭିଯୋଗ କରିଛନ୍ତି ।