କରୋନାରେ ପୂର୍ବତନ ଦିଲ୍ଲୀ କ୍ରିକେଟର୍‌ ସଂଜୟ ଡୋବାଲ ମୃତ

ନୂଆଦିଲ୍ଲୀ: ଦିଲ୍ଲୀ କ୍ଲବ୍‌ କ୍ରିକେଟ୍‌ରେ ଜଣା ଶୁଣା ନାଁ ସ‌ଂଜୟ ଡୋବାଲ (୫୩ ବର୍ଷ)ଙ୍କର ସୋମବାର ସକାଳେ କରୋନାରେ ମୃତ୍ୟୁ ଘଟିଥିବା ନେଇ ତାଙ୍କ ପରିବାର ପକ୍ଷରୁ ସୂଚନା ଦିଆଯାଇଛି। ‌ଭାରତୀୟ ବ୍ୟାଟ୍ସମ୍ୟାନ୍‌ ବୀରେନ୍ଦ୍ର ସେହବାଗ, ଗୌତମ ଗମ୍ଭୀର ଓ ମିଥୁନ ମାନହସଙ୍କ ପରି ସେ କ୍ଲବ୍‌ କ୍ରିକେଟର୍‌ରେ ଭଲ ନାଁ କମାଇଥିଲେ। ଦିଲ୍ଲୀର ସୋନେଟ କ୍ରିକେଟ୍‌ କ୍ଲବ୍‌ର ଏହି ପୂର୍ବତନ ଖେଳାଳି ଦିଲ୍ଲୀ ୨୩ ବର୍ଷରୁ କମ୍‌ ଦଳର ସହକାରୀ ଅଧିକାରୀ ଭାବେ କାମ କରିବାର ସୌଭାଗ୍ୟ ପାଇଥିଲେ। ତାଙ୍କ ଦୁଇ ପୁଅ ମଧ୍ୟ କ୍ରିକେଟର। ବଡ଼ ପୁଅ ସିଦ୍ଧାର୍ଥ ରାଜସ୍ଥାନ ପକ୍ଷରୁ ପ୍ରଥମ ଶ୍ରେଣୀ କ୍ରିକେଟ୍‌ ଖେଳିଥିଲା ବେଳେ ସାନ ଏକାଂଶ ଦିଲ୍ଲୀ ୨୩ ବର୍ଷରୁ କମ୍‌ ଦଳ‌ରେ ପଦାର୍ପଣ କରିସାରିଛି। ଡୋବାଲଙ୍କ ମୃତ୍ୟୁରେ ପୂର୍ବତନ ବିସିସିଆଇ କାର୍ଯ୍ୟକାରୀ ସଭାପତି ସିକେ ଖାନ୍ନା, ମଦନ ଲାଲ, ମାନହସ, ଡିଡିସିଏ ସଚିବ ବିନୋଦ ତିହାରା ଶୋକପ୍ରକାଶ କରିଛନ୍ତି।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

ସମ୍ବନ୍ଧିତ ଖବର

Comments are closed.