ଗମ୍ଭୀର-ପଣ୍ଟିଂ ବାକ୍‌ଯୁଦ୍ଧ: ସୋସିଆଲ ମିଡିଆରେ ଭାଇରାଲ

କୋଲକାତା: ଅଷ୍ଟ୍ରେଲିଆ ଗସ୍ତ ପୂର୍ବରୁ ଗୌତମ ଗମ୍ଭୀର ଏକ ସାମ୍ବାଦିକ ସମ୍ମିଳନୀ କରିଥିଲେ। ଗମ୍ଭୀର ଅନେକ ବଡ଼ ପ୍ରଶ୍ନର ଉତ୍ତର ଦେଇଥିଲେ। ବିରାଟ କୋହଲିଙ୍କ ଉପରେ ରିକି ପଣ୍ଟିଂଙ୍କ ବିବୃତି ଉପରେ ଗମ୍ଭୀର ମଧ୍ୟ ତୀବ୍ର ପ୍ରତିକ୍ରିୟା ଦେଇଥିଲେ। ଭାରତୀୟ ମୁଖ୍ୟ ପ୍ରଶିକ୍ଷକ ସ୍ପଷ୍ଟ ଭାବେ କହିଥିଲେ ଯେ ଟିମ୍ ଇଣ୍ଡିଆ ସହିତ ପଣ୍ଟିଂଙ୍କର କ’ଣ ସମ୍ପର୍କ ଅଛି, ସେ ଅଷ୍ଟ୍ରେଲିଆ କ୍ରିକେଟ୍ ଉପରେ ଧ୍ୟାନ ଦେବା ଉଚିତ୍।

ଗମ୍ଭୀରଙ୍କ ବକ୍ତବ୍ୟ ନେଇ ଚର୍ଚ୍ଚା ଆରମ୍ଭ ହୋଇଥିଲା। ଏବେ ଗମ୍ଭୀରଙ୍କ ବିବୃତି ନେଇ ପଣ୍ଟିଂ କଡ଼ା ପ୍ରତିକ୍ରିୟା ଦେଇଛନ୍ତି। ସେ ଗମ୍ଭୀରଙ୍କୁ ଜଣେ ଚିଡ଼ିଚିଡ଼ା ବ୍ୟକ୍ତି ବୋଲି କହିଛନ୍ତି।

ବାସ୍ତବରେ ନ୍ୟୁଜିଲ୍ୟାଣ୍ଡ ସିରିଜରେ ଫ୍ଲପ୍ ହୋଇଥିବା ବିରାଟ କୋହଲିଙ୍କ ଖରାପ ଫର୍ମକୁ ନେଇ ରିକି ପଣ୍ଟିଂ ଉଦ୍‌ବେଗ ପ୍ରକାଶ କରିଥିଲେ। ଯେତେବେଳେ ପଣ୍ଟିଂଙ୍କ ବିବୃତି ସମ୍ପର୍କରେ ସାମ୍ବାଦିକ ସମ୍ମିଳନୀରେ ଗମ୍ଭୀରଙ୍କୁ ପଚରାଯାଇଥିଲା, ସେତେବେଳେ ଭାରତୀୟ ମୁଖ୍ୟ ପ୍ରଶିକ୍ଷକ ରାଗି ଯାଇଥିଲେ। ଗମ୍ଭୀର କହିଥିଲେ, ଭାରତୀୟ କ୍ରିକେଟ୍ ସହିତ ପଣ୍ଟିଂଙ୍କର କ’ଣ ସମ୍ପର୍କ ଅଛି? ସେ ଅଷ୍ଟ୍ରେଲିଆ କ୍ରିକେଟ୍ ବିଷୟରେ ଚିନ୍ତା କରନ୍ତୁ।

ବିରାଟ କୋହଲି ଏବଂ ରୋହିତ ଶର୍ମା ବହୁତ ଶକ୍ତିଶାଳୀ। ଉଭୟ ଭାରତୀୟ କ୍ରିକେଟ୍ ପାଇଁ ବହୁତ କିଛି କରିଛନ୍ତି ଏବଂ ଭବିଷ୍ୟତରେ ମଧ୍ୟ ସେମାନେ ଚମତ୍କାର ପ୍ରଦର୍ଶନ କରିବେ। ଗମ୍ଭୀରଙ୍କ କଡ଼ା ପ୍ରତିକ୍ରିୟା ନେଇ ଚର୍ଚ୍ଚା ଆରମ୍ଭ ହୋଇଥିଲା। ତାଙ୍କ ବିବୃତି ନେଇ ସୋସିଆଲ ମିଡିଆରେ ଭିନ୍ନଭିନ୍ନ ପ୍ରତିକ୍ରିୟା ଦେଖିବାକୁ ମିଳିଥିଲା ​​।

ଅଧିକ ପଢ଼ନ୍ତୁ: ବୁଲ୍‌ଡୋଜର୍‌ କାର୍ଯ୍ୟାନୁଷ୍ଠାନ ପାଇଁ ନିର୍ଦ୍ଦେଶାବଳୀ ଜାରି କଲେ ସୁପ୍ରିମକୋର୍ଟ

Ricky Ponting said, "in no way my comments on Virat Kohli's form were a dig at him. Virat is a class player. I was surprised to read the reaction of Gautam Gambhir, he's quite a prickly character, so I'm not surprised it was him who said something back". (7News). pic.twitter.com/cwlPg0bSPA

— Mufaddal Vohra (@mufaddal_vohra) November 13, 2024

ଅଷ୍ଟ୍ରେଲିଆର ପୂର୍ବତନ ଅଧିନାୟକ ରିକି ପଣ୍ଟିଂ ଏବେ ଗୌତମ ଗମ୍ଭୀରଙ୍କ ସମ୍ବେଦନଶୀଳ ବିବୃତି ନେଇ କଡ଼ା ଜବାବ ଦେଇଛନ୍ତି। ଗଣମାଧ୍ୟମ ସହିତ ଏକ ସାକ୍ଷାତକାରରେ ପଣ୍ଟିଂ କହିଛନ୍ତି ଯେ ମୁଁ ଗମ୍ଭୀରଙ୍କ ସେହି ବିବୃତି  ନେଇ ସମ୍ପୂର୍ଣ୍ଣ ଆଶ୍ଚର୍ଯ୍ୟ ହୋଇ ଯାଇଥିଲି। ତଥାପି, ମୁଁ କୋଚ୍ ଗୌତମ ଗମ୍ଭୀରଙ୍କୁ ଜାଣେ ଏବଂ ସେ ଜଣେ ଚିଡ଼ିଚିଡ଼ା ଚରିତ୍ରର ବ୍ୟକ୍ତି। ଏହି କାରଣରୁ ମୁଁ ତାଙ୍କ ପ୍ରତିକ୍ରିୟା ନେଇ ଆଦୌ ଆଶ୍ଚର୍ଯ୍ୟ ନୁହେଁ।

Some serious comments have been exchanged between Ricky Ponting and Gautam Gambhir

The BGT heat is on 🔥 pic.twitter.com/pRD4ZcK7Nt

— CricTracker (@Cricketracker) November 13, 2024

ପଣ୍ଟିଂ କୋହଲିଙ୍କ ସମ୍ପର୍କରେ ତାଙ୍କ ବିବୃତିକୁ ମଧ୍ୟ ସ୍ପଷ୍ଟ କରିଛନ୍ତି। ସେ କହିଛନ୍ତି, ମୁଁ କୋହଲିଙ୍କ ଉପରେ କୌଣସି ଆକ୍ରମଣ କରି ନାହିଁ, ବରଂ ମୁଁ କହିବାକୁ ଚାହୁଁଥିଲି ଯେ ସେ ଅଷ୍ଟ୍ରେଲିଆରେ ଭଲ ପ୍ରଦର୍ଶନ କରିଛନ୍ତି ଏବଂ ସେ ଏଠାରେ ପୁଣି ଥରେ ଭଲ ପ୍ରଦର୍ଶନ କରିବାକୁ ଆଗ୍ରହୀ ହେବେ। ଯଦି ଆପଣ କୋହଲିଙ୍କୁ ପଚାରନ୍ତି, ସେ ନିଜେ ନିଶ୍ଚିତ ଭାବରେ ଚିନ୍ତିତ ହେବେ କାରଣ ସେ ପୂର୍ବ ଭଳି ଏକ ଶତକ ସ୍କୋର କରିନାହାନ୍ତି। 

Ricky Ponting voices some concerns on Virat and Rohits form and Gautam Gambhir fires back… pic.twitter.com/pnekoJWDgS

— The Grade Cricketer (@gradecricketer) November 13, 2024

ତେବେ ପଣ୍ଟିଂ ଏବଂ ଗମ୍ଭୀର ବିବାଦ ବର୍ଡର-ଗାଭାସ୍କର ଟ୍ରଫି ପୂର୍ବରୁ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହାର ପ୍ରଭାବ ଆସନ୍ତା ସିରିଜ୍ ଉପରେ କିପରି ଅନୁଭୁତ ହେବ ସେନେଇ ଆଶଙ୍କା ପ୍ରକାଶ ପାଇଛି।

ଅଧିକ ପଢ଼ନ୍ତୁ: ସେଲ୍ଫି ନେଉଥିଲେ ହୋଇଯାଆନ୍ତୁ ସାବଧାନ