ମୋ ଜୀବନୀକୁ ନେଇ ଫିଲ୍ମ କଲେ ଓକିଲାତି କରିବାକୁ ପଡିବ: ଗମ୍ଭୀର

କୋଲକାତା: କ୍ରିକେଟ୍ ବିଶ୍ୱକପରେ ଭାରତ ଚମତ୍କାର ପ୍ରଦର୍ଶନ କରୁଛି। ରବିବାର ଦିନ କୋଲକାତାରେ ଦକ୍ଷିଣ ଆଫ୍ରିକା ବିପକ୍ଷ ମ୍ୟାଚ୍ ସମୟରେ ବଲିଉଡ ଅଭିନେତା ବିକି କୌଶଲଙ୍କୁ କମେଣ୍ଟ୍ରି ବକ୍ସରେ ଦେଖିବାକୁ ମିଳିଥିଲା। ଏହି ସମୟରେ ସେ କ୍ରିକେଟ୍ ବିଷୟରେ ଅନେକ କଥା କହିଥିଲେ। ଯେତେବେଳେ ତାଙ୍କୁ ପଚରାଯାଇଥିଲା ଯେ କେଉଁ କ୍ରିକେଟରଙ୍କ ବାୟୋପିକ୍ ସେ କରିବାକୁ ଚାହୁଁଛନ୍ତି? ବିକି ଏହି ପ୍ରଶ୍ନର ଏକ ମଜାଳିଆ ଉତ୍ତର ଦେଇଥିଲେ | ବାସ୍ତବରେ କମେଣ୍ଟ୍ରି ବକ୍ସରେ ପୂର୍ବତନ କ୍ରିକେଟର ମଧ୍ୟ ବସିଥିଲେ। ଯେତେବେଳେ ବିକିଙ୍କୁ ବାୟୋପିକ୍ ବିଷୟରେ ପଚରାଗଲା, ସେ କହିଥିଲେ - ଲୋକମାନେ ମୋତେ କୁହନ୍ତି ଯେ ତୁମେ ଗମ୍ଭୀରଙ୍କ ଭୂମିକାରେ ଭଲ ଦେଖାଯାଉଛ |

ଏହି ସମୟରେ ଗୌତମ ଗମ୍ଭୀର ନିକଟରେ ବସିଥିଲେ। ବିକିଙ୍କ ଏହି ଉତ୍ତରରେ ଗମ୍ଭୀର କହିଛନ୍ତି ଯେ ଆପଣ ପିନ୍ଧିଥିବା ପୋଷାକ ବହୁତ ଭଲ | କାରଣ ମୋ ଜୀବନ କଳା ଏବଂ ଧଳାରେ ପରିପୂର୍ଣ୍ଣ। ତେଣୁ ଅନ୍ତତଃ ପକ୍ଷେ ଆପଣ କଳା ରଙ୍ଗର ପୋଷାକ ପିନ୍ଧୁଛନ୍ତି | ଏହା ପରେ କମେଣ୍ଟରେଟର କହିଥିଲେ, ଗମ୍ଭୀର, ତୁମେ ତୁମର ବାୟୋପିକର ରାଇଟ୍ସ କାହାକୁ ଦେଇଛ? ଏହାର ଜବାବରେ ଗମ୍ଭୀର କହିଥିଲେ ଯେ ମୋ ଜୀବନକୁ ନେଇ ଏକ ଚଳଚ୍ଚିତ୍ର ନିର୍ମାଣ କରିବା ପୂର୍ବରୁ ଆପଣଙ୍କୁ ଓକିଲାତି କରିବାକୁ ପଡିବ। ଉଲ୍ଲେଖ ଥାଉ କି ଯେ ବିକି କୌଶଲଙ୍କ ଫିଲ୍ମ ସାମ ବାହାଦୂର ଶୀଘ୍ର ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି। ସେ ଏହି ଫିଲ୍ମରେ ସାମ୍ ମାନେକସ ଭୂମିକାରେ ଅଭିନୟ କରୁଛନ୍ତି। ବିକିଙ୍କ ଫିଲ୍ମ ସାମ ବାହାଦୂର ଡିସେମ୍ବର ୨ରେ ମୁକ୍ତିଲାଭ କରିବ।