ନୂଆଦିଲ୍ଲୀ: ଭାରତ ବିପକ୍ଷ ଦ୍ୱିତୀୟ ଟି -୨୦ ମ୍ୟାଚରେ ଶ୍ରୀଲଙ୍କା ଦଳର ଅଧିନାୟକ ଦାସୁନ୍ ଶାନାକା ୨୫୪.୫୫ ଷ୍ଟ୍ରାଇକ୍ ହାରରେ ଭାରତୀୟ ବୋଲରଙ୍କ ୨୨ଟି ବଲରେ ୫୬ ରନ୍ ସଂଗ୍ରହ କରିଥିଲେ। ଏହା ସହିତ ଶାନାକା ମ୍ୟାଚର ଶେଷ ଓଭରରେ ମାତ୍ର ୪ ରନ୍ ହିଁ ଦେଇଥିଲେ | ଯାହା ଦ୍ୱାରା ଶ୍ରୀଲଙ୍କା ୧୬ ରନରେ ଜିତିଥିଲା। କିନ୍ତୁ ଏହି ଖେଳାଳିଙ୍କୁ ଆଇପିଏଲ-୨୦୨୩ ନିଲାମରେ କେହି କିଣିନାହାନ୍ତି | ନିଲାମ ସରିଯାଇଥିବାବେଳେ ଏବେ ଲଖନଉ ସୁପର ଜିଆଣ୍ଟସର ପରାମର୍ଶଦାତା ଗୌତମ ଗମ୍ଭୀର ଏକ ବଡ ବୟାନ ଦେଇଛନ୍ତି | ଆଇପିଏଲ୍ ନିଲାମରେ ତାଙ୍କୁ କୌଣସି ଫ୍ରାଞ୍ଚାଇଜ୍ କିଣି ନ ଥିବାରୁ ସେ ଦୁଃଖ ପ୍ରକାଶ କରିଛନ୍ତି।

Advertisment

ଗୌତମ କହିଛନ୍ତି ଯେ ଯଦି ଦାସୁନ୍ ଶାନାକାଙ୍କ ପ୍ରଦର୍ଶନ ନିଲାମ ପୂର୍ବରୁ ଆସିଥାନ୍ତା, ତେବେ କୌଣସି ଫ୍ରାଞ୍ଚାଇଜଙ୍କ ପାଖରେ ତାଙ୍କୁ କିଣିବା ପାଇଁ ପର୍ଯ୍ୟାପ୍ତ ଅର୍ଥ ନଥାନ୍ତା। ଷ୍ଟାର ସ୍ପୋର୍ଟସରେ ନିଜର ମତ ରଖି ଗମ୍ଭୀର କହିଛନ୍ତି, “ଶାନାକା ଏତେ ମହଙ୍ଗାରେ ବିକ୍ରି ହୋଇଥାନ୍ତେ ଯେ ତାଙ୍କୁ କିଣିବା ପାଇଁ ଆମ ପାଖରେ ଟଙ୍କା ନଥାନ୍ତା । ସେ ଯେଉଁଭଳି ବ୍ୟାଟିଂ କରିଥିଲେ ତାହା ପ୍ରଶଂସନୀୟ। ଯଦି ଏହି ସିରିଜ୍ ଆଇପିଏଲ୍ ନିଲାମ ପୂର୍ବରୁ ଘଟିଥାନ୍ତା, ତେବେ ଶାନାକାଙ୍କୁ କିଣିବାକୁ କିଛି ଫ୍ରାଞ୍ଚାଇଜଙ୍କ ପାଖରେ ପର୍ଯ୍ୟାପ୍ତ ଅର୍ଥ ନଥାନ୍ତା | ବାସ୍ତବରେ ଭାରତ ଏବଂ ଶ୍ରୀଲଙ୍କା ମଧ୍ୟରେ ଖେଳାଯାଇଥିବା ମ୍ୟାଚର ଦ୍ୱିତୀୟ ଟି -୨୦ ମ୍ୟାଚ୍‌ରେ ଶ୍ରୀଲଙ୍କାର ଅଧିନାୟକ ଦାସୁନ୍ ଶାନାକା ବିସ୍ଫୋରକ ବ୍ୟାଟିଂ କରିଥିଲେ | ତାଙ୍କ ବିସ୍ଫୋରକ ବ୍ୟାଟିଂ ଯୋଗୁଁ ଶ୍ରୀଲଙ୍କା ୨୦୦ ଅତିକ୍ରମ କରିପାରିଥିଲା।