ପ୍ରଶଂସକ ବିରାଟଙ୍କୁ ମେସେଜ ଦେବାକୁ କହିବାରୁ ରୋହିତ ଦେଲେ ଏଭଳି ପ୍ରତିକ୍ରିୟା

ନୂଆଦିଲ୍ଲୀ: ଗୁରୁବାର ଦିନ ନ୍ୟୁଜିଲ୍ୟାଣ୍ଡ ବିପକ୍ଷ ଦ୍ୱିତୀୟ ଟେଷ୍ଟ ମ୍ୟାଚ୍ ଖେଳାଯିବ। ଏଥିପାଇଁ କ୍ରିକେଟରମାନେ ଅଭ୍ୟାସ କରିବାରେ ଲାଗିପଡ଼ିଛନ୍ତି। ଏମଧ୍ୟରେ ଏକ ଭିଡିଓ ଖୁବ ଭାଇରାଲ ହେଉଛି, ଯେଉଁଥିରେ ଭାରତୀୟ କ୍ରିକେଟ ଟିମର ଅଧିନାୟକ ରୋହିତ ଶର୍ମା ଜଣେ ପ୍ରଶଂସକଙ୍କ ସହ କଥା ହେଉଛନ୍ତି। ପୁଣେର ଏମସିଏ ଷ୍ଟାଡିୟମରେ ଅଭ୍ୟାସ ଅଧିବେଶନ ଶେଷ ହେବା ପରେ ପ୍ରଶଂସକ ରୋହିତଙ୍କ ନିକଟକୁ ଅଟୋଗ୍ରାଫ୍ ପାଇଁ ଯାଇଥିଲେ। ରୋହିତ ଅଟୋଗ୍ରାଫ୍ ଦେବା ବେଳେ ମହିଳା ପ୍ରଶଂସକଜଣକ ଷ୍ଟାର କ୍ରିକେଟର ବିରାଟ କୋହଲିଙ୍କୁ ଏକ ବାର୍ତ୍ତା ଦେବାକୁ କହିଥିଲେ। ଏହା ଶୁଣି ‌ରୋହିତ କିଭଳି ପ୍ରତିକ୍ରିୟା ଦେଇଥିଲେ ତାହା ଭାଇରାଲ ହେବାରେ ଲାଗିଛି।

Rohit Sharma's conversation with a fan:

Fan - Rohit bhai, please give autograph.

Rohit - I'm coming, wait.

Fan - thank you so much, tell Virat also that his big fan came here.

Rohit - I'll tell Virat. 😄❤️pic.twitter.com/q0fUWHtcWm

— Mufaddal Vohra (@mufaddal_vohra) October 22, 2024

ଭାଇରାଲ ଭିଡିଓ‌ରେ ଦେଖାଯାଇଛି ଯେ, ଅଭ୍ୟାସ ସାରି ରୋହିତ ଯାଉଥିବା ବେଳେ ମହିଳା ପ୍ରଶଂସକଜଣକ ତାଙ୍କୁ ଡାକି କହୁଛନ୍ତି ଯେ, ରୋହିତ ଭାଇ, ଦୟାକରି ଅଟୋଗ୍ରାଫ୍ ଦିଅନ୍ତୁ। ଅଧିନାୟକ ରୋହିତ ଅଟୋଗ୍ରାଫ ଦେଉଥିବାବେଳେ ପ୍ରଶଂସକଜଣକ କହୁଛନ୍ତି ଯେ ବିରାଟ ଭାଇଙ୍କୁ ବି କହିଦେବେ ଯେ ତାଙ୍କର ବଡ ପ୍ରଶଂସକ ଏଠାକୁ ଆସିଛନ୍ତି। ଏହା ଶୁଣି ରୋହିତ ହସିବା ସହ ଉତ୍ତର ଦେଉଛନ୍ତି, "ମୁଁ ବିରାଟଙ୍କୁ କହିଦେବି"। ଏହା ଶୁଣି ମହିଳାଜଣକ ଖୁସି ହେବା ସହ ତୁମେ ବହୁତ ଭଲ ବୋଲି କହୁଛନ୍ତି। ତାଙ୍କର ଏଭଳି ଭିଡିଓ ଏବେ ଖୁବ ଭାଇରାଲ ହେବାରେ ଲାଗିଛି।