ଜୁଡୋରେ ଗୀତାଞ୍ଜଳି ଓ ମନୋଜ ଅଫିସିଆଲ୍
ଭୁବନେଶ୍ବର : ଗୁଜରାଟରେ ଚାଲିଥିବା ୩୬ତମ ଜାତୀୟ କ୍ରୀଡ଼ାରେ ଓଡ଼ିଶାରୁ ୫ ଜଣିଆ ଜୁଡୋ ଦଳ ସହ ଦୁଇ ପ୍ରଶିକ୍ଷକ ଗୀତାଞ୍ଜଳି ପଣ୍ଡା ଓ ମନୋଜ କୁମାର ମୁର୍ମୁ ଟେକନିକାଲ୍ ଅଫିସିଆଲ୍ ଭାବେ ଯୋଗ୍ୟତା ଅର୍ଜନ କରିଛନ୍ତି। ପ୍ରଥମ ଥର ପାଇଁ ଜୁଡ଼ୋରେ ଓଡ଼ିଶା ଜାତୀୟ କ୍ରୀଡ଼ାରେ ପ୍ରତିନିଧିତ୍ବ କରିବାକୁ ଯାଉଥିବାରୁ ସମ୍ପାଦକ ପିସି ମିଶ୍ର ସମସ୍ତଙ୍କୁ ଶୁଭେଚ୍ଛା ଓ ଶୁଭକାମନା ଜଣାଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଓଡ଼ିଶା ଦଳରେ ତାରାକାନ୍ତ ପରିଡ଼ା, ରାଜେଶ କୁମାର ସାହୁ, ତନିଶା ମନସ୍ବିନୀ ସାହୁ, ଉର୍ମିଳା ସାହୁ, ପ୍ରଭାସିନୀ ବରାଡ ସାମିଲ ଅଛନ୍ତି। ଗତ ଅଗଷ୍ଟ ମାସରେ ଲକ୍ଷ୍ନୌରେ ଅନୁଷ୍ଠିତ ଜାତୀୟ ପ୍ରତିଯୋଗିତାରେ ଉଲ୍ଲେଖନୀୟ ପ୍ରଦର୍ଶନ କରି ଓଡ଼ିଶାରୁ ୭ ଜଣ ଯୋଗ୍ୟତା ଅର୍ଜନ କରିଥିଲେ ମଧ୍ୟ ପରବର୍ତୀ ସମୟରେ ବୈଷୟିକ ତ୍ରୁଟି କାରଣରୁ ୨ ଜଣ ବାଦ୍ ପଡ଼ିଥିଲେ।