ଗୋନାସିକାର ପ୍ରଥମ, ବେଙ୍ଗଲ ଟାଇଗର୍ସର କ୍ରମାଗତ ବିଜୟ

ରାଉରକେଲା: ଶନିବାର ହକି ଇଣ୍ଡିଆ ଲିଗ୍‌ର ଦୁଇଟି ମ୍ୟାଚ୍‌ ଖେଳାଯାଇଥିଲା। ଆଜି ଦିଲ୍ଲୀ ଏସ୍‌ଜି ପାଇପର୍ସକୁ ଏକତରଫାଭାବେ ୪-୧ ଗୋଲରେ ପରାସ୍ତକରି ଶ୍ରାଚୀ ରା’ବେଙ୍ଗଲ ଟାଇଗର୍ସ ବିଜୟଧାରା ଅବ୍ୟାହତ ରଖିଛି।

ଦଳ ପକ୍ଷରୁ ଯୁଗରାଜ ସିଂହ ୨ଟି ଗୋଲ୍‌(୧୭ ଓ ୩୮) ଦେଇଥିବାବେଳେ ସୁଖଜିତ ସିଂହ(୧) ଓ ଅଭିଶେକ(୪୭) ଗୋଟିଏ ଲେଖାଏ ଗୋଲ୍‌ ଦେଇଥିଲେ। ଜବାବରେ ଦିଲ୍ଲୀ ଏସ୍‌ଜି ପାଇପର୍ସର ଗେରାଥ୍‌ ଫୋରଲଙ୍ଗ୍‌(୫୩) ଗୋଟିଏ ଗୋଲ୍‌ଦେବାରେ ସକ୍ଷମ ହୋଇଥଇଲେ। 

ସେହିଭଳି ଦ୍ବିତୀୟ ମ୍ୟାଚ୍‌ରେ ଟିମ୍‌ ଗୋନାସିକା ୩-୧ ଗୋଲ୍‌ରେ ହାଇଦ୍ରାବାଦ ତୁଫାନ୍ସକୁ ପରାସ୍ତ କରି ପ୍ରଥମ ବିଜୟ ହାସଲ କରିଛି। ଦଳ ପକ୍ଷରୁ ସୁନୀଳ ଭିତଳାଚାର୍ଯ୍ୟ ସମର୍ପିତ(୨), ଭିକ୍ଟର ଚାର୍ଲେଟ୍‌(୩୩) ଓ ନୀଲମ ସଞ୍ଜୀପ ଖେସ୍‌(୬୦) ଗୋଟିଏ ଲେଖାଏ ଗୋଲ୍‌ ଦେଇଥିଲେ। ତୁଫାନ୍ସ ପକ୍ଷରୁ ଏକମାତ୍ର ଗୋଲ୍‌ ଟିମ୍‌ ବ୍ରାଣ୍ଡ୍‌(୧୨) ଦେଇଥିଲେ।