ହକି ଇଣ୍ଡିଆ ଲିଗ୍‌: ତୁଫାନ୍ସକୁ ହରାଇ ବିପର୍ଯ୍ୟୟ ଘଟାଇଲା ଗୋନାସିକା

ରାଉରକେଲା: ହକି ଇଣ୍ଡିଆ ଲିଗ୍‌ର ମଙ୍ଗଳବାର ଖେଳାଯାଇଥିବା ହାଇଦ୍ରାବାଦ ତୁଫାନ୍ସ ଓ ଟିମ୍‌ ଗୋନାସିକା ବିପକ୍ଷ ମ୍ୟାଚ୍‌ ବେଶ୍‌ ସଂଘର୍ଷପୂର୍ଣ୍ଣ ହୋଇଛି। ମ୍ୟାଚ୍‌ର ଆରମ୍ଭରୁ ଶେଷ ପର୍ଯ୍ୟନ୍ତ ଉଭୟ ଦଳ ମଧ୍ୟରେ କଡ଼ା ଟକ୍କର ଦେଖିବାକୁ ମିଳିଥିଲା। ଉଭୟ ଦଳର ଆକର୍ଷଣୀୟ ପ୍ରଦର୍ଶନ ବଳରେ ମ୍ୟାଚ୍‌ ୩-୩ ଗୋଲ୍‌ରେ ଅମୀମାଂସିତ ରହିଥିଲା। ତେବେ ସୁଟ୍‌ଆଉଟ୍‌ରେ ଗୋନାସିକା ୩-୧ ଗୋଲ୍‌ରେ ତୁଫାନ୍ସକୁ ପରାସ୍ତକରି ପଏଣ୍ଟ୍‌ ଟେବୁଲକୁ ଓଲଟପାଲଟ କରିଦେଇଛି। ଆଜିର ଆକର୍ଷଣୀୟ ବିଜୟ ସତ୍ତ୍ବେ ଗୋନାସିକା ସେମି ଦୌଡ଼ରୁ ବହୁଦୂରରେ ରହିଯାଇଛି।