ଭଲ ଖେଳା​ଳି ସବୁ ଫର୍ମାଟରେ ଖେଳିପାରିବ: ଗୌତମ ଗମ୍ଭୀର

ନୂଆଦିଲ୍ଲୀ: ଚଳିତ ମାସରେ ଶ୍ରୀଲଙ୍କା ଗସ୍ତରୁ ଟିମ୍ ଇଣ୍ଡିଆର ମୁଖ୍ୟ ପ୍ରଶିକ୍ଷକ ଦାୟିତ୍ୱ ନେବାକୁ ଯାଉଥିବା ପୂର୍ବତନ ଅଭିଜ୍ଞ ଗୌତମ ଗମ୍ଭୀର ନିକଟରେ ସବୁ ଫର୍ମାଟରେ ଖେଳାଳିଙ୍କୁ ଖେଳାଇବା ଉପରେ ଗୁରୁତ୍ୱାରୋପ କରିଛନ୍ତି। ସେ କହିଛନ୍ତି ଯେ ଯଦି ଜଣେ ଭଲ ଖେଳୁଛି, ସେ ସବୁ ଫର୍ମାଟରେ ଖେଳିବା ଉଚିତ ।

“ମୋର ବହୁତ ବିଶ୍ୱାସ ଅଛି ଯେ ଯଦି ତୁମେ ଭଲ ଖେଳୁଛ, ତେବେ ତୁମେ ସବୁ ଫର୍ମାଟରେ ଖେଳିବ କଥା । ଇଂଜୁରୀ ମ୍ୟାନେଜମେଣ୍ଟ ବା ଆଘାତ ପରିଚାଳନା ଉପରେ ମୋର ଅଧିକ ବିଶ୍ୱାସ କେବେ ବି ନଥିଲା । ଯଦି ଆପଣ ଆହତ ହୁଅନ୍ତି, ତେବେ ଆପଣଙ୍କୁ ଏଥିରୁ ମୁକୁଳିବାକୁ ପଡିବ ।“ ସେ କହିଛନ୍ତି ।

ଗୌତମ କହିଛନ୍ତି ଯେ ଆଘାତ ଯେକୌଣସି ଖେଳାଳିଙ୍କ ଜୀବନର ଏକ ଅଂଶ। ଯଦି ଆପଣ ତିନୋଟି ଫର୍ମାଟରେ ଖେଳୁଛନ୍ତି ଏବଂ ଆପଣ ଆହତ ହୁଅନ୍ତି, ତେବେ ଆପଣଙ୍କ ଆରୋଗ୍ୟ ପ୍ରକ୍ରିୟା ଉପରେ କାମ କରନ୍ତୁ ଓ ପୁଣି ଆସନ୍ତୁ, କିନ୍ତୁ ଆପଣ ତିନୋଟି ଫର୍ମାଟରେ ଖେଳିବା ଉଚିତ୍ । "ମୁଁ ଏହି ଧାରଣାକୁ ସମର୍ଥନ କରେ ନାହିଁ ଯେ ଆପଣ ଏକ ନିର୍ଦ୍ଦିଷ୍ଟ ଖେଳାଳିଙ୍କୁ ଚିହ୍ନଟ କରନ୍ତୁ ଏବଂ ତା'ପରେ ତାଙ୍କୁ ଅଲଗା ଅଲଗା ଫର୍ମାଟ ପାଇଁ ସଂରକ୍ଷିତ ରଖନ୍ତୁ।

ବିସିସିଆଇ ସହ ଗୌତମଙ୍କ ଚୁକ୍ତି ୩୧ ଡିସେମ୍ବର ୨୦୨୭ ପର୍ଯ୍ୟନ୍ତ ରହିବ । ତାଙ୍କର ପ୍ରଥମ ଚ୍ୟାଲେଞ୍ଜ ଚଳିତ ମାସରେ ଆରମ୍ଭ ହେବାକୁ ଯାଉଛି ।