ସ୍ପାନିସ୍ ଗ୍ରାଁପ୍ରି ଜିତିଲେ ହାମିଲଟନ୍: ୧୦୦ ପୋଲ୍ ପୋଜିସନ୍ ପାଇବାରେ ହାମିଲଟନ୍ ପ୍ରଥମ ଫର୍ମୁଲା ୱାନ୍ ଚାଳକ
ମଣ୍ଟମେଲୋ: ଫର୍ମୁଲା ୱାନ୍ରେ ୭ ଥର ବିଶ୍ବ ବିଜେତା ଲୁଇସ୍ ହାମିଲଟନ୍ ରବିବାର ସ୍ପାନିସ୍ ଗ୍ରାଁପ୍ରି ଜିତି ନେଇଛନ୍ତି। ରେଡ୍ବୁଲ୍ର ମାକ୍ସ ଭର୍ଷ୍ଟାପେନ୍ ଏବଂ ନିଜ ମର୍ସିଡେଜ୍ ସାଥୀ ଭାଲ୍ଟେରି ବୋଟ୍ଟାସ୍ଙ୍କୁ ପଛରେ ପକାଇ ସେ ପୋଡିୟମ୍ରେ ପ୍ରଥମ ସ୍ଥାନ ଅକ୍ତିଆର କରିଥିଲେ। ଏହା ହାମିଲଟନ୍ଙ୍କ ମୋଟ ଉପରେ ୯୮ତମ କ୍ୟାରିୟର ବିଜୟ ରହିଥିଲା ବେଳେ ଶେଷ ୪ ରେସ୍ରୁ ତୃତୀୟ ବିଜୟ। ପୁଣି ଲଗାତାର ପଞ୍ଚବ ଥର ସ୍ପାନିସ୍ ଗ୍ରାଁପ୍ରି ମୁକୁଟ କରାୟତ୍ତ କଲେ। ଫେରାରିର ଚାର୍ଲସ ଲେକ୍ରେକ୍, ରେଡ୍ବୁଲ୍ର ସର୍ଗିଓ ପେରେଜ୍, ମ୍ୟାକ୍ଲରେନ୍ର ଡାନିଏଲ୍ ରିକାର୍ଡୋ, ଫେରାରିର କାର୍ଲୋସ୍ ସେଞ୍ଜ୍, ମ୍ୟାକ୍ଲରେନ୍ସର ସାଣ୍ଡୋ ନୋରିସ୍, ଅଲ୍ପାଇନ୍ର ଇଷ୍ଟେବାନ ଓକୋନ ଏବଂ ଆଲ୍ଫା ତୌରିର ପିଏରେ ଗାସ୍ଲେ ଯଥାକ୍ରମେ ଚତୁର୍ଥରୁ ଦଶମ ସ୍ଥାନରେ ରହି ରେସ୍ ଶେଷ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ସ୍ପାନିସ୍ ଗ୍ରାଁପ୍ରିରେ ଏହି ମର୍ସିଡେଜ୍ ଚାଳକ ବ୍ୟକ୍ତିଗତ ୧୦୦ତମ ପୋଲ୍ ପୋଜିସନ୍ ପାଇ ବିଶ୍ବ କୀର୍ତ୍ତିମାନ ରଚିଥିଲେ। ଯାହାକି ୧୦୦ ପୋଲ୍ ପୋଜିସନ୍ ପାଇବାରେ ହାମିଲଟନ୍ ପ୍ରଥମ ଫର୍ମୁଲା ୱାନ୍ ଚାଳକ ହେବାର ଗୌରବ ବହନ କରିଥିଲେ। ୩୬ ବର୍ଷ ବୟସ୍କ ହାମିଲଟନ୍ଙ୍କ ପଛକୁ ସର୍ବକାଳୀନ ତାଲିକାରେ ଅବସରପ୍ରାପ୍ତ ଫେରାରି ମହାନ୍ ତଥା ୭ ଥର ବିଶ୍ବ ବିାଜତା ମାଇକେଲ ସୁମାକର (୬୮) ଦ୍ବିତୀୟରେ ରହିଛନ୍ତି। ୧୦୦ ପୋଲ୍ ପୋଜିସନ୍ ପରେ କୀର୍ତ୍ତିମାନଭରା ୯୮ତମ କ୍ୟାରିୟର ବିଜୟ ହାସଲ କରିଥିବାରୁ ମୁଁ ଗୌରବ ଅନୁଭବ କରୁଛି ବୋଲି ହାମିଲଟନ୍ କହିଥିଲେ।