ନୂଆଦିଲ୍ଲୀ:  ଆଇପିଏଲ ୨୦୨୪ରେ କିଙ୍ଗ ଖାନଙ୍କ ଦଳ କେକେଆର ବିଜୟ ମୁକୁଟ ପିନ୍ଧିଛି। ରବିବାରର ଏକପାଖିଆ ଫାଇନାଲରେ ସନରାଇଜର୍ସ ହାଇଦ୍ରାବାଦକୁ ମାତ୍ର ୧୧୩ ରନ୍‌ରେ ସୀମିତ ରଖିବା ପରେ କେକେଆର୍‌ ମ୍ୟାଚ୍‌କୁ ୮ ୱିକେଟ୍‌ରେ ଜିତିଯାଇଥିଲା। ଏହାପରେ  ବଲିଉଡର ବାଦଶାହ ଶାହରୁଖ ଖାନ ଓ ତାଙ୍କ ପରିବାରରେ ଉତ୍ସାହର ବାତାବରଣ ଦେଖିବାକୁ ମିଳିଛି।

Advertisment

ଆଇପିଏଲ ୨୦୨୪ର ଫାଇନାଲ ମ୍ୟାଚରେ ଶାହରୁଖଙ୍କ ପୁରା ପରିବାର କେକେଆର ଦଳକୁ ସମର୍ଥନ କରିବାକୁ ଚେନ୍ନାଇରେ ଯାଇ ପହଞ୍ଚିଥିଲେ। ଏହି ସମୟରେ ଗ୍ୟାଲେରିରେ ଶାହରୁଖଙ୍କ ଝିଅ ତାଙ୍କର ପ୍ରିୟ ସାଙ୍ଗ ଅନନ୍ୟା ପାଣ୍ଡେ ଓ ସନାୟା କପୁରଙ୍କ ସହିତ ମ୍ୟାଚକୁ ଉତ୍ସାହର ସହ ଉପଭୋଗ କରିଥିଲେ। ଗ୍ୟାଲେରୀରେ ଏହି ତିନିଜଣଙ୍କୁ ଗୋଟିଏ ଫ୍ରେମରେ ଦେଖିବା ପରେ ଦର୍ଶକ ଖୁବ ଖୁସି ହୋଇଯାଇଥିଲେ।  ଏହି ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।

ଏହି ଫଟୋ ଭାଇରାଲ ହେବାପରେ ୧୨ବର୍ଷ ପୂର୍ବର ସୁହାନା, ଅନନ୍ୟା ଓ ସନାୟାଙ୍କ ଫଟୋ ସ‌ାମ୍ନ‌ାକୁ ଆସିଛି। ଏଥିରେ ବି ତିନିଜଣ ଚେନ୍ନାଇର ଚେପକ ଷ୍ଟାଡିୟମ ଏକାଠି ହୋଇ କେକେଆରକୁ ସମର୍ଥନ କରୁଥିବାର ଦେଖିବାକୁ ମିଳିଛି। ଏହି ଦୁଇଟି ଫଟୋକୁ ଦର୍ଶକ ବେଶ ପସନ୍ଦ କରୁଥିବା ବେଳେ ୧୨ବର୍ଷ ଭିତରେ ସୁହାନା, ଅନନ୍ୟା ଓ ସନାୟାଙ୍କ ଟ୍ରାନ୍ସଫରମେସନ ଦେଖି ଦର୍ଶକ ଚକିତ ହୋଇଯାଇଛନ୍ତି।