ଇଣ୍ଡିଗୋ ବିମାନରେ ହରଭଜନ ସିଂହଙ୍କ ବ୍ୟାଟ ହେଲା ଚୋରି
ନୂଆଦିଲ୍ଲୀ: ଗତ ଶୁକ୍ରବାର ଭାରତୀୟ କ୍ରିକେଟ ଦଳର ସ୍ପିନର ହରଭଜନ ସିଂହଙ୍କ ବ୍ୟାଟ ଚୋରି ହୋଇଯିବା ପରେ ସେ ବିମାନ କମ୍ପାନି ଇଣ୍ଡିଗୋକୁ ନେଇ ଅସନ୍ତୋଷ ଥିବା କହିଛନ୍ତି। ହରଭଜନ ଟୁଇଟରରେ ଏହି ଘଟଣାକୁ ସାର୍ବଜନୀକ କରି କମ୍ପାନିକୁ ଶୀଘ୍ର ଏନେଇ ପଦକ୍ଷେପ ନେବାକୁ ଦାବି କରିଛନ୍ତି। ଏହି ଟୁଇଟ ପରେ ଭିଜ୍ଜି ଗୋଟିଏ ପରେ ଗୋଟିଏ ଏପରି ତିନିଟି ଟୁଇଟ କରି କମ୍ପାନିକୁ ନିଜ ବ୍ୟାଟ ସମ୍ପର୍କରେ ସୂଚନା ମାଗିଛନ୍ତି। କିନ୍ତୁ ୪୮ଘଣ୍ଟା ବିତି ଯାଇଥିଲେ ବି ତାଙ୍କ ବ୍ୟାଟ କେଉଁଠି ଅଛି? କିଏ ଚୋରି କରିଛି? ତାହାକୁ ନେଇ କୌଣସି ସ୍ପଷ୍ଟ ସୂଚନା ମିଳି ପାରି ନାହିଁ।
Sambad is now on WhatsApp
Join and get latest news updates delivered to you via WhatsApp
ହରଭଜନ ବିମାନ କମ୍ପାନି ଇଣ୍ଡିଗୋକୁ ଟ୍ୟାଗ କରି ନିଜ ଟୁଇଟରେ ଲେଖିଛନ୍ତି, ‘ଗତକାଲି ମୁଁ ମୁମ୍ବାଇରୁ କୋୟମ୍ବଟୁର ପାଇଁ ଇଣ୍ଡିଗୋ ଏୟାରଲାଇନ୍ସର ବିମାନ ନମ୍ବର ୬ଇ ୬୩୧୩ରେ ଯାତ୍ରା କରୁଥିଲି। ଏହି ସମୟରେ ମୋର କିଟ୍ ବ୍ୟାଗ୍ରୁ ବ୍ୟାଟ ଚୋରି ହୋଇଯାଇଥିବା ଜାଣିବାକୁ ପାଇଥିଲି। ମୋର ଦାବି ଏହି ଘଟଣାକୁ ନେଇ ତୁରନ୍ତ ପଦକ୍ଷେପ ଗ୍ରହଣ କରାଯାଇ ଅପରାଧୀକୁ ଧରାଯାଉ।’
Yesterday I Travelled from Mumbai to Coimbatore by @IndiGo6E flight number 6E 6313 indigo airlines and I find a bat is missing from my kit bag!! I want action to be taken to find who this culprit is..going into someone’s belongings and taking any item is THEFT..Plz help @CISFHQrs
— Harbhajan Turbanator (@harbhajan_singh) March 7, 2020
ଏହି ଟୁଇଟକୁ ହରଭଜନ ସିଂହ ସିଆଇଏସ୍ଏଫ୍ଙ୍କୁ ବି ଟ୍ୟାଗ୍ କରିଛନ୍ତି। ହରଭଜନଙ୍କ ଏହି ଟୁଇଟ ପରେ ଇଣ୍ଡିଗୋ ତୁରନ୍ତ ଟୁଇଟ କରି କହିଛି, ‘ଶ୍ରୀମାନ୍ ହରଭଜନ ସିଂହ ଏହା ଜାଣି ଦୁଃଖ ଲାଗିଲା। ଆମେ ଏହି ଘଟଣାର ଯାଞ୍ଚ କରି ତୁରନ୍ତ ଆପଣଙ୍କୁ ସମ୍ପର୍କ କରିବୁ।’
Plz do 🙏🙏 https://t.co/hz3UKzpdb4
— Harbhajan Turbanator (@harbhajan_singh) March 7, 2020
ଏହାପରେ ହରଭଜନ ହାତ ଯୋଡ଼ିବାର ଦୁଇଟି ଇମୋଜି ଦେଇ ଲେଖିଛନ୍ତି , ‘ପ୍ଲିଜ୍ ଡୁ’।
No news from you guys yet about my bat missing from my kitbag @IndiGo6E are you guys not taking it seriously or what ???
— Harbhajan Turbanator (@harbhajan_singh) March 8, 2020
ଏଯାବତ ଭିଜ୍ଜିଙ୍କୁ ତାଙ୍କର ହଜି ଯାଇଥିବା ବ୍ୟାଟ ନେଇ କୌଣସି ସୂଚନା ନମିଳିବା ପରେ ସେ ଆଉ ଏକ ଟୁଇଟ କରି ଲେଖିଛନ୍ତି, ‘ମୋର କିଟ ବ୍ୟାଗ୍ରୁ ବ୍ୟାଟ୍ ହଜିଯିବା ପରେ ଆପଣଙ୍କ ପକ୍ଷରୁ ଏଯାବତ କୌଣସି ସୂଚନା ପାଇ ପାରିଲି ନାହିଁ। କ’ଣ ଆପଣ ଏହାକୁ ଗମ୍ଭୀରତା ସହ ନେଉ ନାହାନ୍ତି? ନା ଅନ୍ୟ କିଛି କାରଣ ରହିଛି???