ପ୍ରଥମ ଥର ପାଇଁ ବିଜୟ ହଜାରେ ଟ୍ରଫି ଜିତିଲା ହରିୟାଣା, ରୋମାଞ୍ଚକର ମ୍ୟାଚରେ ରାଜସ୍ଥାନକୁ ୩୦ ରନରେ ହରାଇଲା

ନୂଆଦିଲ୍ଲୀ: ହରିୟାଣା କ୍ରିକେଟ୍ ଦଳ ପ୍ରଥମ ଥର ପାଇଁ ମର୍ଯ୍ୟାଦାଜନକ ବିଜୟ ହଜାରେ ଟ୍ରଫି ୨୦୨୩ ଜିତିଛି। ଦିନିକିଆ ଫର୍ମାଟ୍ ର ଏହି ବଡ଼ ଘରୋଇ ଟୁର୍ଣ୍ଣାମେଣ୍ଟର ରୋମାଞ୍ଚକର ଫାଇନାଲ ମ୍ୟାଚରେ ହରିୟାଣା ରାଜସ୍ଥାନକୁ ୩୦ ରନରେ ପରାସ୍ତ କରିଛି। ପ୍ରଥମେ ବ୍ୟାଟିଂ କରି ହରିୟାଣା ନିର୍ଦ୍ଧାରିତ ୫୦ ଓଭରରେ ୮ ଓ୍ଵିକେଟ୍ ହରାଇ ୨୮୭ ରନ୍ କରିଥିଲା। ଏହାର ଜବାବରେ ରାଜସ୍ଥାନ ଦଳ ମାତ୍ର ୨୫୭ ରନ୍ କରିପାରିଥିଲା।

ଏହି ମ୍ୟାଚ୍ ରେ ହରିୟାଣା ଅଧିନାୟକ ଅଶୋକ ମେନାରିଆ ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲେ। ଦଳର ଆରମ୍ଭ ଖରାପ ଥିଲା ଏବଂ ଓପନର ଯୁବରାଜ (୧) ଦ୍ୱିତୀୟ ଓଭରରେ ପ୍ୟାଭିଲିୟନ ଫେରିଥିଲେ। ଅଙ୍କିତ କୁମାର ହିମାଂଶୁ ରାଣାଙ୍କ ସହ ୩୮ ରନର ଭାଗିଦାରୀ କରି ଦଳକୁ କିଛି ସମର୍ଥନ ଦେଇଥିଲେ, କିନ୍ତୁ ହିମାଂଶୁ (୧୦)ଙ୍କୁ ଅଙ୍କିତ ଚୌଧୁରୀ ମୋଟ ୪୧ ରନ୍ ରେ ଆଉଟ୍ କରିଥିଲେ। ଅଙ୍କିତ କୁମାର ଓ ଅଧିନାୟକ ଅଶୋକ ମେନାରିଆ ୧୨୪ ରନ୍ ର ଭାଗିଦାରୀ କରି ହରିୟାଣାକୁ ମଜବୁତ ସ୍ଥିତିରେ ପହଞ୍ଚାଇଥିଲେ। ଦଳ ୨୮୭ ରନ କରିଥିଲା ।

୨୮୮ ରନର ଟାର୍ଗେଟ ଜବାବରେ ରାଜସ୍ଥାନ ଖରାପ ଆରମ୍ଭ କରିଥିଲା। ୧୨ ରନ୍ ବେଳକୁ ଦଳ ୩ ଓ୍ଵିକେଟ୍ ହରାଇଥିଲା। ଏଠାରୁ ଓପନର ଅଭିଜିତ ତୋମାର ଗୋଟିଏ ମୁଣ୍ଡ ନେଇ ଚମତ୍କାର ଶତକ ହାସଲ କରିଥିଲେ। ସେ କରଣ ଲାମ୍ବା (୨୦)ଙ୍କ ସହ ୬୮ ରନ୍ ଯୋଡ଼ି ଇନିଂସ୍ ହାତକୁ ନେଇଥିଲେ ଏବଂ ପରେ କୁନାଲ ସିଂହ ରାଠୋରଙ୍କ ସହ ୧୨୧ ରନ୍ ର ଭାଗିଦାରୀ କରି ରାଜସ୍ଥାନକୁ ବିଜୟର ଆଶା ଦେଇଥିଲେ। ଶେଷ ବେଳକୁ ଗୋଟିଏ ସମୟରେ ରାଜସ୍ଥାନ ଦଳକୁ ଏଠାରେ ବିଜୟ ପାଇଁ ୨୯ ବଲ୍ ରୁ ମାତ୍ର ୩୮ ରନ୍ ଦରକାର ଥିଲା। କିନ୍ତୁ ସେମାନଙ୍କ ପାଖରେ ୪ଟି ୱିକେଟ୍ ବାକି ଥିଲେ ହେଁ ଦଳ ୭ ରନ୍ ଭିତରେ ଶେଷ ୪ ଓ୍ଵିକେଟ୍ ହରାଇ ମ୍ୟାଚ୍ ହାରିଯାଇଥିଲା।