ଭାଙ୍ଗିଲା ଅଭିନେତ୍ରୀ କିମ୍‌-ଟେନିସ କିଂବଦନ୍ତି ଲିଆଣ୍ଡରଙ୍କ ପ୍ରେମ ସମ୍ପର୍କ !

ନୂଆଦିଲ୍ଲୀ: ଭାଙ୍ଗିଲା ଅଭିନେତ୍ରୀ କିମ୍‌ ଶର୍ମା ଏବଂ ତାଙ୍କ ପ୍ରେମିକ ଟେନିସ କିଂବଦନ୍ତି ଲିଆଣ୍ଡର ପେସ୍‌ଙ୍କ ମଧ୍ୟରେ ଥିବ ପ୍ରେମ ସମ୍ପର୍କ। ୨୦୨୧ ମସିହାରେ ଟେନିସ୍ ଚାମ୍ପିଅନ୍ ଲିଆଣ୍ଡର୍ ପେସ୍ ଏବଂ ଅଭିନେତ୍ରୀ କିମ୍ ଶର୍ମାଙ୍କୁ ଏକାଠି ଜିମ୍ ଯାଉଥିବାର ଦେଖାଯାଇଥିବା ବେଳେ ଦୁହେଁ ସାଥିରେ ରାତ୍ରୀ ଭୋଜନ କରୁଥିବା ଦେଖାଯାଇଥିଲା। ଏହା ପରେ ଦୁହେଁ ପରସ୍ପରକୁ ଡେଟ କରୁଥିବା ନେଇ ଚର୍ଚ୍ଚା ଜୋର ଧରିଥିଲା। ପରେ ସେପ୍ଟେମ୍ବର ୫, ୨୦୨୧ରେ କିମ୍ ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏକ ରୋମାଣ୍ଟିକ ପୋଷ୍ଟ ସେୟାର କରି ଲିଆଣ୍ଡରଙ୍କ ସହ ଥିବା ପ୍ରେମ ସମ୍ପର୍କକୁ ଅଧିକାରୀକ ଭାବେ ଘୋଷଣା କରିଥିଲେ। କିନ୍ତୁ ବର୍ତ୍ତମାନ, ଏହି ପ୍ରେମୀଯୁଗଳଙ୍କ ମଧ୍ୟରେ ସବୁ ଠିକ୍ ନାହିଁ ବୋଲି ଚର୍ଚ୍ଚା ହେଉଛି।

କିମଙ୍କ ପ୍ରତି ଥିବା ପ୍ରେମକୁ ପ୍ରକାଶ କରିବା ପାଇଁ ୨୦୨୨ମସିହାରେ ଲିଆଣ୍ଡର୍ କିଛି ଫଟୋ ପୋଷ୍ଟ କରିଥିଲେ। ପ୍ରେମ ସର୍ମ୍ପକକୁ ବର୍ଷେ ପୁରିବାକୁ ନେଇ ଶୁଭେଚ୍ଛା ଜଣାଇବା ସହ ଲିଆଣ୍ଡର ଲେଖିଥିଲେ ୩୬୫ଦିନର ସ୍ମୃତି ପାଇଁ ଏବଂ ପ୍ରତିଦିନ ଏକାଠି ଜୀବନଯାପନ କରିଥିବାରୁ ଧନ୍ୟବାଦ।

ତେବେ ଗତବର୍ଷ ଏଭଳି ପୋଷ୍ଟ କରିଥିଲେ ବି ଲିଆଣ୍ଡର ଚଳିତ ବର୍ଷ ସେଭଳି କୌଣସି ପୋଷ୍ଟ କରିନଥିବା ଦେଖାଯାଇଛି। ଏହା ସହ ଦୁହେଁ ଏକାଠି ମଧ୍ୟ ନଜର ଆସୁନଥିବାରୁ ଦୁହିଁଙ୍କ ମଧ୍ୟରେ ଥିବା ସମ୍ପର୍କ ଭାଙ୍ଗିଥିବା ନେଇ ଚର୍ଚ୍ଚା ଜୋର ଧରିଛି। ତେବେ ହେଉଥିବା ଚର୍ଚ୍ଚା ଉପରେ କିମ୍ ଓ ଲିଆଣ୍ଡର କୌଣସି ପ୍ରତିକ୍ରିୟା ରଖିନାହାନ୍ତି।