ଆଇପିଏଲ୍: କିଙ୍ଗସ୍ ଏକାଦଶ ପଂଜାବକୁ ୪୫ ରନ୍ରେ ପରାସ୍ତ କଲା ସନ୍ରାଇଜର୍ସ ହାଇଦ୍ରାବାଦ
ହାଇଦ୍ରାବାଦ୍: ଇଣ୍ଡିଆନ୍ ପ୍ରିମିୟର ଲିଗ (ଆଇପିଏଲ୍) ଦ୍ୱାଦଶ ସଂସ୍କରଣର ୪୮ତମ ମ୍ୟାଚରେ ପଂଜାବକୁ ୪୫ ରନ୍ରେ ପରାସ୍ତ କରିଛି ସନ୍ରାଇଜର୍ସ ହାଇଦ୍ରାବାଦ ଦ୍ୱିତୀୟ ପାଳିରେ ୨୧୩ ରନ୍ର ବିଶାଳ ଲକ୍ଷ୍ୟକୁ ପିଛା କରି ପଂଜାବ ୨୦ ଓଭରରେ ୮ ଓ୍ଵିକେଟ ହରାଇ ୧୬୭ ରନ୍ କରିଛି । ଫଳରେ ହାଇଦ୍ରାବାଦ ଏହି ମ୍ୟାଚକୁ ୪୫ ରନ୍ରେ ଜିତିନେଇଛି । ସନ୍ରାଇଜର୍ସ ହାଇଦ୍ରାବାଦ ପକ୍ଷରୁ ରାସିଦ ଖାନ୍, ଖଲିଲ୍ ଏହେମଦ୍ ୩-୩ ଟି ଓ୍ଵିକେଟ ନେଇଥିବା ବେଳେ ସନ୍ଦିପ ର୍ଶମା୨ଟି ଓ୍ଵିକେଟ ନେଇଥିଲେ । ପଂଜାବ ପକ୍ଷରୁ କେ ଏଲ୍ ରାହୁଲ ୭୯ ରନ୍ (୫୬ବଲ୍, ୦୪ଚଉକା, ୦୬ଛକା ) କରିଥିଲେ । ଏହି ବିଜୟ ସହ ହାଇଦ୍ରାବାଦ ୧୨ ପଏଣ୍ଟ ହାସଲ କରି ଟେବୁଲର ଚତୁର୍ଥ ସ୍ଥାନରେ ରହିଛି ।
Sambad is now on WhatsApp
Join and get latest news updates delivered to you via WhatsApp
ପ୍ରଥମ ଇନିଂସରେ ଡାଭିଡ ଓ୍ଵାର୍ଣ୍ଣରଙ୍କ ବିସ୍ଫୋରକ ବ୍ୟାଟିଂ (୮୦ ରନ, ୫୬ ବଲ, ୭ ଚୌକା, ୨ ଛକା) ବଳରେ ସୋମବାର ସନ୍ରାଇଜର୍ସ ହାଇଦ୍ରାବାଦ ୨୧୨ ରନ କରିଥିଲା। ଟସ୍ ଜିଣି ପଂଜାବ ବୋଲିଂ ନିଷ୍ପତ୍ତି ନେବା ପରେ ହାଇଦ୍ରାବାଦ୍ ବ୍ୟାଟିଂ କରିଥିଲା। ରାଜୀବ ଗାନ୍ଧୀ ଅନ୍ତର୍ଜାତୀୟ ଷ୍ଟାଡିୟମରେ ନିର୍ଦ୍ଧାରିତ ୨୦ ଓଭରରେ ୬ଟି ଓ୍ଵିକେଟ ହରାଇ ୨୧୨ ରନ କରିବା ପରେ କିଙ୍ଗସ୍ ଏକାଦଶ ପଂଜାବୁ ୨୧୩ ରନ୍ ଟାର୍ଗେଟ ମିଳିଥିଲା। ଓ୍ଵାର୍ଣ୍ଣର ରବିଚନ୍ଦ୍ରନ ଅଶ୍ୱିନଙ୍କ ବଲରେ ଆଉଟ ହୋଇ ପାଭଲିଅନ୍ ଫେରିଥିଲେ।
ଓ୍ଵାର୍ଣ୍ଣର ପ୍ରଥମ ଓ୍ଵିକେଟରେ ଋଦ୍ଧିମାନ ଶାହା (୨୮ ରନ୍)ଙ୍କ ଶହ ୭୮ ରନ ଭାଗିଦାରୀ ହୋଇଥିଲେ। ଶାହା ୧୩ଟି ବଲ ଖେଳି ମୁରୁଗାନ ଅଶ୍ୱିନଙ୍କ ଶିକାର ହୋଇଥିଲେ। ଦ୍ୱିତୀୟ ଓ୍ଵିକେଟରେ ମଧ୍ୟ ହାଇଦ୍ରାବାଦ୍ ଭଲ ସ୍କୋର କରିଥିଲା। ସ୍କୋର ୧୬୦ ରନ୍ରେ ମନୀଷ ପାଣ୍ଡେ ଦଳର ଦ୍ୱିତୀୟ ଓ୍ଵିକେଟ ଭାବେ ଅଶ୍ୱିନଙ୍କ ଦ୍ୱାରା ଆଉଟ ହୋଇଥିଲେ। ସେହିପରି ପଂଜାବର ୩ୟ ଶିକାର ହୋଇଥିଲେ ଓ୍ଵାର୍ଣ୍ଣର।
ସ୍କୋର ୪ର୍ଥ ଓ୍ଵିକେଟରେ କେନ ଓ୍ଵିଲିୟମସନ (୧୪ ରନ୍) ଆଉଟ ହେବା ବେଳକୁ ଟିମର ସ୍କୋର ୧୯୭ ରନ୍ ଥିଲା। ମହମ୍ମଦ ସାମିଙ୍କ ବଲ୍ରେ ଓ୍ଵିଲିୟମସନ ଆଉଟ ହୋଇଥିଲେ। ମହମ୍ମଦ ନବି ୨୦ ରନ୍, ରସିଦ ଖାନ ୧ ରନ କରିଥିବା ବେଳେ ବିଜୟ ଶଙ୍କର ଅପରାଜିତ ୭ ରନ୍ ଏବଂ ଅଭିଷେକ ଶର୍ମା ଅପରାଜିତ ୫ ରନ କରି ପାଭଲିଅନ ଫେରିଥିଲେ।