ଆଇପିଏଲ : କୋଲକାତାକୁ ୭ ଓ୍ବିକେଟରେ ହରାଇଲା ହାଇଦ୍ରାବାଦ
ମୁମ୍ବାଇ : ମୁମ୍ବାଇର ବ୍ରାବୋର୍ନ ଷ୍ଟାଡିୟମଠାରେ ଚାଲିଥିବା ଆଇପିଏଲ-୨୦୨୨ର ଏକ ମ୍ୟାଚରେ କୋଲକାତାକୁ ୭ ଓ୍ବିକେଟରେ ପରାସ୍ତ କରିଛି ହାଇଦ୍ରାବାଦ । କୋଲକାତା ଦ୍ବାରା ରଖଯାଇଥବା ୧୭୬ରନର ବିଜୟ ଲକ୍ଷ୍ୟକୁ ହାଇଦ୍ରାବାଦ ୧୭.୫ ଓଭରରେ ୩ଟି ଓ୍ବିକେଟ ହରାଇ ହାସଲ କରିନେଇଥିଲା । ଦଳ ପକ୍ଷରୁ ରାହୁଲ ତ୍ରିପାଠୀ ୭୧ ରନ ଓ ଏଇଡେନ ମାର୍କରାମ ୬୮ ରନ କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ଏହି ମ୍ୟାଚରେ ହାଇଦ୍ରାବାଦ ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା । ପ୍ରଥମେ ବ୍ୟାଟିଂ କରିଥିବା କୋଲକାତା ଆରମ୍ଭରୁ ଦୁଇଟି ଓ୍ବିକେଟ ହରାଇ ସଂକଟରେ ପଡିଥିଲା । କିନ୍ତି ନିତିଶ ରାଣା ଓ ଶ୍ରେୟସ ଆୟର ଲଢୁଆ ବ୍ୟାଟିଂ କରି ଦଳକୁ ବିପଦରୁ ଉଦ୍ଧାର କରିଥିଲେ । ରାଣା ୫୪ରନ ଓ ଆୟର ୨୮ ରନ କରିଥିଲେ । ଶେଷ ବେଳକୁ ଆନ୍ଦ୍ରେ ରସେଲ ୨୫ଟି ବଲରେ ଦ୍ରୁତ ୪୯ ରନ କରିଥିଲେ । କୋଲକାତା ନିର୍ଦ୍ଧାରିତ ୨୦ ଓଭରରେ ୮ ଓ୍ବିକେଟ ହରାଇ ୧୭୫ ରନ କରିଥିଲା । ହାଇଦ୍ରାବାଦ ପକ୍ଷରୁ ଟି.ନଚରାଜନ ୩ଟି ଓ ଉମରାନ ମଲିକ ୨ଟି ଓ୍ବିକେଟ ନେଇଥିଲେ ।