ଦୁବାଇ : ଦୁବାଇ ଅନ୍ତର୍ଜାତୀୟ କ୍ରିକେଟ ଷ୍ଟାଡିୟମଠାରେ ଚାଲିଥିବା ଚଳିତ ଆଇପିଏଲର ୪୦ତମ ମ୍ୟାଚରେ ରାଜସ୍ଥାନ ରୟାଲ୍ସକୁ ୮ ଉଇକେଟରେ ପରାସ୍ତ କରିଛି ସନରାଇଜର୍ସ ହାଇଦ୍ରାବାଦ୍। ଏହାଫଳରେ ଆଇପିଏଲ-୧୩ର ପରବର୍ତ୍ତୀ ପର୍ଯ୍ୟାୟକୁ ହାଇଦ୍ରାବାଦର ଯିବାର ଆଶା ଉଜ୍ଜୀବିତ ରହିଛି। ୧୦ଟି ମ୍ୟାଚରୁ ୮ ପଏଣ୍ଟ ସଂଗ୍ରହ କରି ପଏଣ୍ଟ ଟେବୁଲର ୫ମ ସ୍ଥାନରେ ରହିଛି ହାଇଦ୍ରାବାଦ୍। ପ୍ରଥମେ ବ୍ୟାଟିଂ କରି ରାଜସ୍ଥାନ ରୟାଲ୍ସ ହାଇଦ୍ରାବାଦ ଆଗରେ ୧୫୫ ରନର ବିଜୟ ଲକ୍ଷ୍ୟ ରଖିଥିଲା । ଏହାପରେ ସନରାଇଜର୍ସ ହାଇଦ୍ରାବାଦ୍ ବ୍ୟାଟିଂ କରି ମାତ୍ର ୨ଟି ଉଇକେଟ୍ ହରାଇ ୧୫୬ ରନ୍ କରି ସହଜ ବିଜୟ ହାସଲ କରିଥିଲା। ମନୀଷ ପାଣ୍ଡେଙ୍କ ଅପରାଜିତ ୮୩ (୪୭) ଓ ବିଜୟ ଶଙ୍କରଙ୍କ ଅପରାଜିତ ୫୨( ୫୧) ରନ୍ ବଳରେ ହାଇଦ୍ରାବାଦ୍ ଏହି ବିଜୟର ହକଦାର ହୋଇଛି।
Sambad is now on WhatsApp
Join and get latest news updates delivered to you via WhatsApp
ଆଜି ହାଇଦ୍ରାବାଦ ଦଳ ଟସ ଜିଣି ରାଜସ୍ଥାନକୁ ବ୍ୟାଟିଂ କରିବାକୁ ଆମନ୍ତ୍ରଣ କରିଥିଲା । ରାଜସ୍ଥାନର ଦୁଇ ଓପନର ରବିନ ଉଥପ୍ପା ଓ ବେନ ଷ୍ଟୋକ୍ସ ଦଳକୁ ଏକ ଭଲ ଆରମ୍ଭ ଦେଇଥିଲେ ବି ମଧ୍ୟକ୍ରମ ବ୍ୟାଟ୍ସମ୍ୟାନଙ୍କ ବିଫଳତା ଯୋଗୁଁ ଦଳ ଏକ ଭଲ ସ୍କୋର ଛିଡ଼ା କରିପାରି ନଥିଲା । ଉଥାପ୍ପା ୧୯ରନ କରିଥିବାବେଳେ ଷ୍ଟୋକ୍ସ ୩୦ ରନ ଓ ସଞ୍ଜୁ ସାମସନ ୩୬ ରନ କରିଥିଲେ । ବଟଲର ୯ ରନ କରିଥିବାବେଳେ ଅଧିନାୟକ ସ୍ମିଥ ୧୯ ରନ କରି ଆଉଟ୍ ହୋଇଥିଲେ । ଜୋଫ୍ରା ଆର୍ଚର ୧୬ ରନ କରିଥିଲେ । ଫଳରେ ଦଳ ୨୦ ଓଭରରେ ୬ ଓ୍ବିକେଟ ହରାଇ ୧୫୪ ରନ କରିଥିଲା।