ଦୁବାଇ : ଭାରତର ପ୍ରମୁଖ ଅଫ୍‌ ସ୍ପିନର ରବିଚନ୍ଦ୍ରନ୍‌ ଅଶ୍ବିନ ଆଇସିସି ଟେଷ୍ଟ୍‌ ମାନ୍ୟତାରେ ୬ ରେଟିଂ ପଏଣ୍ଟ ହରାଇଛନ୍ତି। ଏହାସତ୍ତ୍ବେ ସେ ଇଂଲଣ୍ଡ ଦ୍ରୁତ ବୋଲର ଜେମ୍‌ସ ଆଣ୍ଡରସନ୍‌ଙ୍କ ସହ ଯୁଗ୍ମ ଭାବେ ୧ ନମ୍ବର ଟେଷ୍ଟ ବୋଲର ମାନ୍ୟତା ବଜାୟ ରଖିଛନ୍ତି। ଗତ ସପ୍ତହରେ ଏକ ନମ୍ବର ମାନ୍ୟତା ହାତେଇଥିବା ଅଶ୍ବିନ ଅଷ୍ଟ୍ରେଲିଆ ବିପକ୍ଷ ଇନ୍ଦୋର ଟେଷ୍ଟରେ ମାତ୍ର ୨ ୱିକେଟ୍‌ ପାଇଥିଲେ। ଫଳରେ ତାଙ୍କ ରେଟିଂ ପଏଣ୍ଟ ୬ କମିଯାଇଥିଲା। ତେଣୁ ସେ ବୁଧବାର ପ୍ରକାଶିତ ସାନି ମାନ୍ୟତା ତାଲିକାରେ ଆଣ୍ଡରସନ୍‌ଙ୍କ ସହ ସମାନ ୮୫୯ ପଏଣ୍ଟରେ ରହିଛନ୍ତି।