ହାରଜିତ୍ ଲାଗି ରହିଥାଏ : ସଚିନ୍

ମୁମ୍ବାଇ : ଟି-୨୦ ବିଶ୍ବକପ ସେମି ଫାଇନାଲରେ ଇଂଲଣ୍ଡଠାରୁ ଟିମ ଇଣ୍ଡିଆର ଶୋଚନୀୟ ପରାଜୟ ପରେ କ୍ରିକେଟପ୍ରେମୀମାନେ ଦୁଃଖରେ ଭାଙ୍ଗିପଡ଼ିଛନ୍ତି । ଏ ପରିପ୍ରେକ୍ଷୀରେ କ୍ରିକେଟପ୍ରେମୀମାନଙ୍କୁ ସାନ୍ତ୍ବନା ଦେବାକୁ ଉଦ୍ୟମ କରିଛନ୍ତି ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ।

ଏକ ଟୁଇଟ କରି ସେ ଲେଖିଛନ୍ତି, “ ଗୋଟିଏ ମୁଦ୍ରାର ଯେପରି ଦୁଇଟି ପାର୍ଶ୍ବ ଥାଏ, ଜୀବନର ସେପରି ଦୁଇଟି ପାର୍ଶ୍ବ ଥାଏ । ଆମେ ଯଦି ଟିମର ବିଜୟକୁ ଆମ ବିଜୟ ଭାବି ସେଲିବ୍ରେଟ କରୁ, ତେବେ ଟିମର ପରାଜୟକୁ ବି ଆମକୁ ଗ୍ରହଣ କରିବାକୁ ହେବ । ଜୀବନରେ ହାରଜିତ ଲାଗି ରହିଥାଏ ।“

 

ସଚିନଙ୍କ ଏହି ଟୁଇଟକୁ ନେଇ କ୍ରିକେଟପ୍ରେମୀ ମିଶ୍ରିତ ପ୍ରତିକ୍ରିୟା ଦେଇଛନ୍ତି । କେତେକ ଫ୍ୟାନ ଏହାକୁ ସକାରାତ୍ମକ ଭାବେ ନେଇ ସମର୍ଥନ କରିଥିବାବେଳେ ଆଉ କେତେକ ସମାଲୋଚନା କରିଛନ୍ତି । ଜଣେ ଟୁଇଟର ୟୁଜର ଲେଖିଛନ୍ତି, ଯଦି ଫ୍ୟାନମାନେ ଦଳର ବିଜୟରେ ଖେଳାଳମାନଙ୍କୁ ପ୍ରସଂଶା ଓ ସମର୍ଥନ କରୁଛନ୍ତି, ଦଳର ହାରରେ ବି ଖେଳାଳିମାନେ ଫ୍ୟାନଙ୍କ କଠୋର ସମାଲୋଚନାକୁ ଗ୍ରହଣ କରିବାକୁ ପ୍ରସ୍ତୁତ ରୁହନ୍ତୁ ।

ସୂଚନାଯୋଗ୍ୟ ଯେ, ଗୁରୁବାର ଖେଳାଯାଇଥିବା ୨ୟ ସେମିଫାଇନାଲ ମ୍ୟାଚରେ ଭାରତକୁ ୧୦ ଓ୍ବିକେଟରେ ଶୋଚନୀୟଭାବେ ହରାଇ ଫାଇନାଲରେ ପ୍ରବେଶ କରିଛି ଇଂଲଣ୍ଡ । ଇଂଲଣ୍ଡର ବିଜୟ ପାଇଁ ଭାରତ ୧୬୯ରନର ବିଜୟ ଲକ୍ଷ୍ୟ ରଖାଯାଇଥିବାବେଳେ ଇଂଲଣ୍ଡର ଦୁଇ ଓପନର ଆଲେକ୍ସ ହେଲ୍ସ ଓ ଜସ ବଟଲର ହିଁ ଖେଳ ସମାପ୍ତ କରିଦେଇଥିଲେ ।

 

 

ସମ୍ବନ୍ଧିତ ଖବର