ଏହି କାରଣରୁ ବାଂଲାଦେଶ ବିପକ୍ଷ ଓଡିଆଇ ସିରିଜରୁ ବାଦ୍ ପଡ଼ିଲେ ଋଷଭ ପନ୍ତ
ନୂଆଦିଲ୍ଲୀ: ଭାରତ ଏବଂ ବାଂଲାଦେଶ ମଧ୍ୟରେ ଆଜି ପ୍ରଥମ ଓଡିଆଇ ମ୍ୟାଚ୍ ଢ଼ାକାସ୍ଥିତ ବାଂଲା ନ୍ୟାସ୍ନାଲ୍ ଷ୍ଟାଡିୟମ୍’ରେ ଅନୁଷ୍ଠିତ ହୋଇଯାଇଛି। ହେଲେ ଏହି ମ୍ୟାଚରେ ଭାରତୀୟ ଟିମ ସହ ପଡ଼ିଆକୁ ଓହ୍ଲାଇ ନାହାନ୍ତି କ୍ରିକେଟର ଋଷଭ ପନ୍ତ। ୱିକେଟ୍ କିପର ବ୍ୟାଟ୍ସମ୍ୟାନ୍ ଋଷଭ ପନ୍ତଙ୍କୁ ଏହି ଓଡିଆଇ ସିରିଜର ତିନୋଟି ମ୍ୟାଚରୁ ବାଦ ଦିଆଯାଇଛି।
Sambad is now on WhatsApp
Join and get latest news updates delivered to you via WhatsApp
ବିସିସିଆଇ ଏକ ପ୍ରେସ ବିଜ୍ଞପ୍ତି ଜାରି କରି ଏହି ବିଷୟରେ ସୂଚନା ଦେଇଛି। ତେବେ ଋଷଭ ପନ୍ତଙ୍କୁ ବାଦ୍ ଦିଆଯିବା ନେଇ ସମ୍ପୂର୍ଣ୍ଣ କାରଣ ସ୍ପଷ୍ଟ ହୋଇନଥିବା ବେଳେ ବିସିସିଆଇ କହିଛି ଯେ ଡାକ୍ତରୀ ଦଳଙ୍କ ପରାମର୍ଶ ପରେ ତାଙ୍କୁ ମୁକ୍ତ କରାଯାଇଛି। ପନ୍ତ ଆଉଟ୍ ହୋଇଥିବାରୁ କେଏଲ ରାହୁଲଙ୍କୁ ପ୍ରଥମ ଓଡିଆରେ ୱିକେଟ୍ କିପର ଦାୟିତ୍ୱ ଦିଆଯାଇଛି।
🚨 UPDATE
In consultation with the BCCI Medical Team, Rishabh Pant has been released from the ODI squad. He will join the team ahead of the Test series. No replacement has been sought
Axar Patel was not available for selection for the first ODI.#TeamIndia | #BANvIND
— BCCI (@BCCI) December 4, 2022
ପ୍ରେସ ବିଜ୍ଞପ୍ତିରେ କୁହାଯାଇଛି ଯେ, ‘ବିସିସିଆଇର ଡାକ୍ତରୀ ଦଳ ସହିତ ପରାମର୍ଶ ପରେ ଋଷଭ ପନ୍ତଙ୍କୁ ଓଡିଆଇ ଦଳରୁ ମୁକ୍ତ କରାଯାଇଛି। ସେ ଟେଷ୍ଟ ସିରିଜ ପୂର୍ବରୁ ଦଳରେ ଯୋଗଦେବେ। ତାଙ୍କ ସ୍ଥାନରେ ଅନ୍ୟ କୌଣସି ଖେଳାଳିଙ୍କୁ ସ୍ଥାନ ଦିଆଯାଇନାହିଁ। ପ୍ରଥମ ଓଡିଆଇ ପାଇଁ ଅକ୍ଷର ପଟେଲ ଉପଲବ୍ଧ ନଥିଲେ।