ଅହମଦାବାଦ ଟେଷ୍ଟ : ପ୍ରଥମ ଦିନ ଖେଳ ଶେଷସୁଦ୍ଧା ଭାରତ ୨୪/୧
ଅହମଦାବାଦ : ଅହମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଚାଲିଥିବା ୪ର୍ଥ ଟେଷ୍ଟରେ ଭାରତ ପ୍ରଥମ ଦିନ ଖେଳ ଶେଷସୁଦ୍ଧା ଗୋଟିଏ ଓ୍ବିକେଟ ହରାଇ ୨୪ ରନ ସଂଗ୍ରହ କରିଛି । ଫଳରେ ଭାରତ ଏବେ ଇଂଲଣ୍ଡଠାରୁ ୧୮୧ ରନରେ ପଛୁଆ ରହିଛି । ରୋହିତ ଶର୍ମା ୮ ରନ ଓ ଚେତେଶ୍ବର ପୂଜାରା ୧୫ ରନ କରି ଖେଳୁଛନ୍ତି । ଭାରତର ଓପନ ଶୁଭମନ ଗିଲ ଖାତା ଖୋଲିବା ପୂର୍ବରୁ ଆଉଟ ହୋଇଯାଇଛନ୍ତି । ସେ ଜେମ୍ସ ଆଣ୍ଡରସନଙ୍କ ଦ୍ବାରା ଏଲବିଡବ୍ଲୁ ଆଉଟ ହୋଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଆଜି ଟସ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିବା ଇଂଲଣ୍ଡ ନିଜର ପ୍ରଥମ ଇନିଂସରେ ୨୦୫ ରନରେ ଅଲଆଉଟ ହୋଇଯାଇଥିଲା । ଇଂଲଣ୍ଡ ପକ୍ଷରୁ ବେନ ଷ୍ଟୋକ୍ସ ସର୍ବାଧିକ ୫୫ରନ ଓ ଡାନିଏଲ ଲରେନ୍ସ ୪୬ରନ କରିଥିଲେ । ତେବେ ଅନ୍ୟ ବ୍ୟାଟ୍ସମ୍ୟାନମାନେ ବିଶେଷ ଯୋଗଦାନ ଦେଇପାରିନଥିଲେ । ଭାରତ ପକ୍ଷରୁ ଅକ୍ଷର ପଟେଲ ୪ଟି, ରବିଚନ୍ଦ୍ରନ ଅଶ୍ବିନ ୩ଟି ଓ ସିରାଜ ୨ଟି ଓ୍ବିକେଟ ନେଇଥିଲେ ।