କାର୍ଡିଫ : ଆଇସିସି ବିଶ୍ୱକପ ଆରମ୍ଭ ହେବାକୁ ଆଉ ମାତ୍ର ୨ ଦିନ ବାକି ଥିବାବେଳେ ଆଜି ଏକ ଅଭ୍ୟାସ ମ୍ୟାଚରେ ଭାରତ ବାଂଲାଦେଶକୁ ଭୋଟୁଛି । ବାଂଲାଦେଶ ଦଳ ଟସ ଜିଣି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛି । ତେବେ କିଛି ଘଣ୍ଟା ପୂର୍ବରୁ ବର୍ଷା ହୋଇଥିବାରୁ ଆଉଟଫିଲଡ ଓଦା ରହିଛି । ସେଥିପାଇଁ ମ୍ୟାଚ ଆରମ୍ଭ ହେବାରେ ବିଳମ୍ବ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ମ୍ୟାଚ ପୂର୍ବରୁ ଭାରତୀୟ ଅଧିନାୟକ ବିରାଟ କୋହଲି କହିଥିଲେ ଯେ ତାଙ୍କ ଦଳ ଇଂଲାଣ୍ଡ ପରିବେଶ ସହିତ ଏପର୍ଯ୍ୟନ୍ତ ଖାପଖୁଆଇ ନଥିବାରୁ ପ୍ରଥମ ଅଭ୍ୟାସ ମ୍ୟାଚରେ ପରାଜିତ ହୋଇଥିଲା । ଇଂଲାଣ୍ଡରେ ପହଞ୍ଚିବାର ୨ ଦିନ ମଧ୍ୟରେ ଏକ ଅଭ୍ୟାସ ମ୍ୟାଚ ଖେଳିବା ସେତେଟା ସହଜ ନୁହେଁ । ତେବେ ଦଳ ଏକ ଫର୍ମରେ ରହିଛି ଓ ଆଗକୁ ଦଳ ଭଲ ପ୍ରଦର୍ଶନ କରିବ ବୋଲି ସେ କହିଛନ୍ତି । ଅନ୍ୟପକ୍ଷରେ କେଦାର ଯାଦବ ଏପର୍ଯ୍ୟନ୍ତ ଫିଟ୍ ହୋଇନଥିବାରୁ ତାଙ୍କ ଖେଳିବା ନେଇ ଅନିଶ୍ଚିତତା ବଜାୟ ରହିଛି ।