ଉଦ୍ଘାଟନୀ ଦିବସରେ ଭାରତ-ଚୀନ୍ ମୁକାବିଲା
ଚେନ୍ନାଇ: ଚେନ୍ନାଇରେ ଅଗଷ୍ଟ ୩ ତାରିଖରୁ ଆରମ୍ଭ ହେବାକୁ ଥିବା ଏସୀୟ ଚାମ୍ପିଅନ୍ସ ଟ୍ରଫି ହକି ପ୍ରତିଯୋଗିତାରେ ଉଦ୍ଘାଟନୀ ଦିବସରେ ଭାରତ ଓ ଚୀନ ମଧ୍ୟରେ ମୁକାବିଲା ହେବ। ଏହି ମ୍ୟାଚ୍ ମେୟର ରାଧାକ୍ରିଷ୍ଣନ୍ ହକି ଷ୍ଟାଡିୟମ୍ରେ ରାତି ସାଢ଼େ ୮ଟାରେ ଖେଳାଯିବ। ଏଥିପୂର୍ବରୁ ଗତଥରର ବିଜେତା କୋରିଆ ଓ ଜାପାନ ମଧ୍ୟରେ ଉଦ୍ଘାଟନୀ ମ୍ୟାଚ୍ ଖେଳାଯିବ। ଦ୍ବିତୀୟ ମ୍ୟାଚ୍ରେ ପାକିସ୍ତାନ ଓ ମାଲେସିଆ ଭେଟାଭେଟି ହେବେ। ଅଗଷ୍ଟ ୪ ତାରିଖରେ ଜାପାନ, ୬ ତାରିଖରେ ମାଲେସିଆ, ୭ ତାରିଖରେ କୋରିଆ ଓ ୯ ତାରିଖରେ ପାକିସ୍ତାନ ବିପକ୍ଷରେ ଭାରତ ମ୍ୟାଚ୍ ଖେଳିବ।
Sambad is now on WhatsApp
Join and get latest news updates delivered to you via WhatsApp
୧୧ ତାରିଖରେ ପଞ୍ଚମ ସ୍ଥାନ ପାଇଁ ମ୍ୟାଚ୍ ହେବା ସହିତ ଦୁଇଟି ସେମିଫାଇନାଲ୍ ଖେଳାଯିବ। ୧୨ ତାରିଖରେ ତୃତୀୟ ସ୍ଥାନ ମ୍ୟାଚ୍ ଓ ଫାଇନାଲ୍ ମ୍ୟାଚ୍ ଅନୁଷ୍ଠିତ ହେବ। ପୂର୍ବରୁ ଏହି ପ୍ରତିଯୋଗିତାରେ ଉଭୟ ଭାରତ ଓ ପାକିସ୍ତାନ ତିନିଥର ଲେଖାଏଁ ବିଜେତା ହୋଇଛନ୍ତି। ୨୦୧୧, ୨୦୧୬ ଓ ୨୦୧୮ ମସିହାରେ ଭାରତ ବିଜେତା ହୋଇଥିଲା ବେଳେ ୨୦୧୨, ୨୦୧୩ ଓ ୨୦୧୮ରେ ପାକିସ୍ତାନ ବିଜେତା ହୋଇଥିଲା। ୨୦୧୮ରେ ଉଭୟ ଯୁଗ୍ମ ଭାବେ ବିଜେତା ହୋଇଥିଲେ।