କଟକ: ୨୧ତମ ରାଜ୍ୟଗୋଷ୍ଠୀ ଟେବୁଲ ଟେନିସ୍ ପ୍ରତିଯୋଗିତାରେ ଭାରତ ୧୫ଟି ପଦକରେ ଅଭିଯାନ ଶେଷ କରିଛି। ସେଥିମଧ୍ୟରେ ୭ଟି ସ୍ବର୍ଣ୍ଣ, ୪ ରୌପ୍ୟ ଓ ୪ କା˚ସ୍ୟ ପଦକ ଅନ୍ତର୍ଭୁକ୍ତ। ତେବେ ପ୍ରତ୍ୟେକ ବିଭାଗରେ ଭାରତୀୟ ଖେଳାଳି ସ୍ବର୍ଣ୍ଣ ପଦକ ହାସଲ କରି ରାଜ୍ୟଗୋଷ୍ଠୀ ପ୍ରତିଯୋଗିତାରେ ଏକ ନୂଆ କୀର୍ତ୍ତିମାନ ସ୍ଥାପନ କରିଛନ୍ତି। ପ୍ରଥମରୁ ଦଳଗତ ବିଭାଗରେ ଭାରତୀୟ ପୁରୁଷ ଓ ମହିଳା ଦଳ ସ୍ବର୍ଣ୍ଣ ପଦକ ଜିତିଥିବା ବେଳେ ରବିବାର ମିଶ୍ରିତ ଯୁଗଳରେ ୧ ସ୍ବର୍ଣ୍ଣ ଓ ୨ କା˚ସ୍ୟ ପଦକ ଭାରତ ପାଖକୁ ଆସିଥିଲା। ଶେଷ ଦିନରେ ଉଭୟ ଯୁଗଳ ଓ ଏକକରେ ଭାରତୀୟ ଖେଳାଳି ପଦକ ପୋଛି ନେଇଛନ୍ତି। ଏହାବ୍ୟତୀତ ସିଙ୍ଗାପୁର ଦ୍ବିତୀୟ ସର୍ବାଧିକ ଭାବେ ୬ ପଦକ ପାଇଥିବା ବେଳେ ଇ˚ଲଣ୍ଡ ୫, ମାଲେସିଆ ଓ ନାଇଜେରିଆ ଗୋଟିଏ ଲେଖାଏଁ ପଦକ ଜିତିଛନ୍ତି। ଗତ ୨୦୧୫ ସ˚ସ୍କରଣରେ ଭାରତ ସର୍ବାଧିକ ୧୬ ପଦକ ପାଇଥିଲା ବେଳେ କଟକରେ ପଦକ ସ˚ଖ୍ୟା ଦ୍ବିତୀୟ ସ୍ଥାନରେ ରହିଛି। ସୁରଟରେ କେବଳ ମିଶ୍ରିତ ଯୁଗଳ ଓ ପୁରୁଷ ଯୁଗଳରେ ଭାରତ ସ୍ବର୍ଣ୍ଣ ପଦକ ଜିତିଥିଲା। କିନ୍ତୁ କଟକରେ ସମସ୍ତ ବିଭାଗରେ ଭାରତ ସ୍ବର୍ଣ୍ଣ କବ୍ଜା କରିଥିଲା।
Sambad is now on WhatsApp
Join and get latest news updates delivered to you via WhatsApp
ଜବାହରଲାଲ୍ ନେହେରୁ ଇେଣ୍ଡାର ଷ୍ଟାଡିୟମରେ ଶେଷ ଦିନରେ ଅନୁଷ୍ଠିତ ମହିଳା ଏକକ ଫାଇନାଲ୍ରେ ଅହିକା ମୁଖାର୍ଜୀ ୪-୦ (୧୧-୬, ୧୧-୪, ୧୧-୯, ୧୯-୧୭)ରେ ମଧୁରିକା ପାଟକରଙ୍କୁ ପରାସ୍ତ କରି ନୂଆ ବିଜେତା ହୋଇଥିଲେ। ସେହିପରି ପୁରୁଷ ଏକକରେ ହରମୀତ ଦେଶାଇ ୪-୩ (୯-୧୧, ୬-୧୧, ୧୧-୫, ୧୧-୮, ୧୭-୧୫, ୭-୧୧, ୧୧-୯) ରେ ଜି.ସାଥିଆନ୍ଙ୍କୁ ହରାଇ ପ୍ରଥମ ଥର ସ୍ବର୍ଣ୍ଣ ପଦକ ହାସଲ କରିଛନ୍ତି। ସକାଳେ ଖେଳାଯାଇଥିବା ମହିଳା ଏକକ ସେମିଫାଇନାଲ୍ରେ ଅହିକା ୪-୧ରେ ଟିନ୍ ଟିନ୍ ହୋଙ୍କୁ ଓ ମଧୁରିକା ୪-୧ରେ ଶ୍ରେଜା ଅକୁଳାଙ୍କୁ ହରାଇଥିବା ବେଳେ ପୁରୁଷ ଏକକ ସେମିଫାଇନାଲ୍ରେ ଜି.ସାଥିଆନ୍ ୪-୦ରେ ଥୋମାସ ଜାର୍ଭିସ୍ଙ୍କୁ ଓ ହରମୀତ ଦେଶାଇ ୪-୧ରେ କେଓନ ପାଙ୍ଗଙ୍କୁ ହରାଇଥିଲେ।
ମହିଳା ଯୁଗଳ ଫାଇନାଲ୍ରେ ପୂଜା ଶହସ୍ରବୁଦ୍ଧେ-ସିହ୍ନାରଏ କ୍ରିତ୍ବିକାଙ୍କ ଯୋଡ଼ି ୩-୧ (୧୧-୯, ୧୧-୮, ୯-୧୧, ୧୨-୧୦)ରେ ଶ୍ରେଜା ଅକୁଳା-ମୌସୁମୀ ପଲ୍ଙ୍କୁ ହରାଇ ସ୍ବର୍ଣ୍ଣ ପଦକ ପାଇଥିଲେ। ଏଥିପୂର୍ବରୁ ଅନୁଷ୍ଠିତ ସେମିଫାଇନାଲ୍ରେ ପୂଜା-ସ୍ନିହାଙ୍କ ଯୋଡ଼ି ୩-୦ରେ ସିଙ୍ଗାପୁରର ରୁଇ ଜୁଆନ୍ ଗୋଇ-ଜିନ୍ ରୁ ଵଙ୍ଗଙ୍କୁ ଏବ˚ ଶ୍ରେଜା-ମୌସୁମୀଙ୍କ ଯୋଡ଼ି ୩-୦ରେ ନିଜ ଦେଶର ସୁତୀର୍ଥା ମୁଖାର୍ଜୀ-ଅହିକା ମୁଖାର୍ଜୀଙ୍କୁ ହରାଇ ଫାଇନାଲ୍ରେ ପ୍ରବେଶ କରିଥିଲେ।
ପୁରୁଷ ଯୁଗଳ ଫାଇନାଲ୍ରେ ଆଣ୍ଟୋନୀ ଅମଲରାଜ-ମାନବ ଠାକ୍କରଙ୍କ ଯୋଡ଼ି ୩-୧ (୮-୧୧, ୧୧-୬, ୧୩-୧୧, ୧୨-୧୦)ରେ ନିଜ ଦେଶର ଶୀର୍ଷ ଯୋଡ଼ି ଶରତ କମଲ-ଜି.ସାଥିଆନ୍ଙ୍କୁ ପରାସ୍ତ କରିଥିଲେ। ସେମିଫାଇନାଲ୍ରେ ଶରତ-ସାଥିଆନ୍ଙ୍କ ଯୋଡ଼ି ୩-୦ରେ ସିଙ୍ଗାପୁରର କୋଏନ୍ ପାଙ୍ଗ-ଶାଓ ହାନ୍ ଜୋସ୍ ସୁଆଙ୍କୁ ଏବ˚ ଅମଲରାଜ-ମାନବଙ୍କ ଯୋଡ଼ି ଇ˚ଲଣ୍ଡର ସାମୁଏଲ୍ ଵାକର-ଥୋମାସ ଜାରଭିସ୍ଙ୍କୁ ୩-୧ରେ ହରାଇଥିଲେ।
ଏଥିପୂର୍ବରୁ ଦ୍ବିତୀୟ ଦିନରେ ଅନୁଷ୍ଠିତ ପୁରୁଷ ଦଳଗତରେ ଭାରତ ସ୍ବର୍ଣ୍ଣ, ଇ˚ଲଣ୍ଡ ରୌପ୍ୟ ଏବ˚ ସିଙ୍ଗାପୁର ଓ ମାଲେସିଆ କା˚ସ୍ୟ ପଦକ ପାଇଥିଲେ। ସେହିପରି ମହିଳା ଦଳଗତରେ ଭାରତ, ଇ˚ଲଣ୍ଡ ଯଥାକ୍ରମେ ସ୍ବର୍ଣ୍ଣ ଓ ରୌପ୍ୟ ପଦକ ଏବ˚ ସିଙ୍ଗାପୁର ଓ ନାଇଜେରିଆ କା˚ସ୍ୟ ଜିତିଥିଲେ। ରବିବାର ମିଶ୍ରିତ ଯୁଗଳରେ ଜି.ସାଥିଆନ୍-ଅର୍ଚ୍ଚନା କାମଥଙ୍କ ଯୋଡ଼ି ଫାଇନାଲ୍ରେ ସିଙ୍ଗାପୁରର କୋଏନ୍ ପାଙ୍ଗ-ରୁଇ ଜୁଆନ୍ ଗୋଇଙ୍କୁ ହରାଇ ସ୍ବର୍ଣ୍ଣ ପଦକ ଜିତିଥିଲେ। ଉଦ୍ଯାପନୀ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମୁଖ୍ୟ ଅତିଥି ଭାବେ ଯୋଗଦେଇ ପଦକ ପ୍ରଦାନ କରିଥିଲେ। ତାଙ୍କ ସହିତ କ୍ରୀଡ଼ା ମନ୍ତ୍ରୀ ତୁଷାରକାନ୍ତି ବେହେରା, ସ˚ସ୍କୃତି ଓ ପର୍ଯ୍ୟଟନ ମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀ, ଶକ୍ତି ଓ ଏମ୍ଏସ୍ଏମ୍ଇ ମନ୍ତ୍ରୀ ଦିବ୍ୟଶଙ୍କର ମିଶ୍ର, ପୁଲିସ୍ କମିସନର ସତ୍ୟଜିତ ମହାନ୍ତି, ଆର୍ଡିସି ଅନୀଲ କୁମାର ସାମଲ, କ୍ରୀଡ଼ା ସଚିବ ବିଶାଲ ଦେବ, କ୍ରୀଡ଼ା ନିର୍ଦ୍ଦେଶକ ଭିନିଲ୍ କ୍ରୀଷ୍ଣ, ରାଜ୍ୟଗୋଷ୍ଠୀ ମହାସ˚ଘ ଅଧ୍ୟକ୍ଷ ବିବେକ କୋହଲି, ସାଧାରଣ ସମ୍ପାଦକ ଏମ୍ପି ସି˚ହ, ଓଡ଼ିଶା ଟେବୁଲ ଟେନିସ ସ˚ଘ ଉପ ସଭାପତି ସ˚ଜୟ ସି˚ହ, ସମ୍ପାଦକ ରବୀନ୍ଦ୍ର କୁମାର ପରିଡ଼ା ପ୍ରମୁଖ ଉପସ୍ଥିତ ଥିଲେ।
ରାଜ୍ୟଗୋଷ୍ଠୀ ଟିଟି ପଦକ ବିଜେତା
ଦଳଗତ ପୁରୁଷ (ହୋମ୍ ଆସୋସିଏସନ୍ କପ୍)
ସ୍ବର୍ଣ୍ଣ- ଭାରତ
ରୌପ୍ୟ- ଇ˚ଲଣ୍ଡ
କା˚ସ୍ୟ- ସିଙ୍ଗାପୁର/ମାଲେସିଆ
ଦଳଗତ ମହିଳା (ଇଣ୍ଡିଆ କପ୍)
ସ୍ବର୍ଣ୍ଣ- ଭାରତ
ରୌପ୍ୟ- ଇ˚ଲଣ୍ଡ
କା˚ସ୍ୟ- ସିଙ୍ଗାପୁର/ନାଇଜେରିଆ
ମିଶ୍ରିତ ଯୁଗଳ (ଗ୍ୟୁର୍ନେସି କପ୍)
ସ୍ବର୍ଣ୍ଣ: ଜି.ସାଥିଆନ୍-ଅର୍ଚ୍ଚନା କାମଥ (ଭାରତ)
ରୌପ୍ୟ: କୋଏନ୍ ପାଙ୍ଗ-ରୁଇ ଜୁଆନ୍ ଗୋଇ (ସିଙ୍ଗାପୁର)
କା˚ସ୍ୟ: ଶରତ କମଲ-ଶ୍ରୀଜା ଅକୁଳା (ଭାରତ)
କା˚ସ୍ୟ: ହରମୀତ ଦେଶାଇ-ଅହିକା ମୁଖାର୍ଜୀ (ଭାରତ)
ପୁରୁଷ ଯୁଗଳ (ହଙ୍ଗକଙ୍ଗ କପ୍)
ସ୍ବର୍ଣ୍ଣ: ଆଣ୍ଟୋନୀ ଅମଲରାଜ-ମାନବ ଠାକ୍କର (ଭାରତ)
ରୌପ୍ୟ: ଶରତ କମଲ-ଜି.ସାଥିଆନ୍ (ଭାରତ)
କା˚ସ୍ୟ: ସାମୁଏଲ୍ ଵାକର-ଥୋମାସ ଜାରଭିସ୍ (ଇ˚ଲଣ୍ଡ)
କା˚ସ୍ୟ: କୋଏନ୍ ପାଙ୍ଗ-ସାଓ ହାନ୍ ଜୋସ୍ ଚୁଆ (ସିଙ୍ଗାପୁର)
ମହିଳା ଯୁଗଳ (କାନାଡ଼ା କପ୍)
ସ୍ବର୍ଣ୍ଣ: ପୂଜା ଶହସ୍ରବୁଦ୍ଧେ-ସ୍ନିହା ରଏ କ୍ରିତ୍ବିକା (ଭାରତ)
ରୌପ୍ୟ: ଶ୍ରୀଜା ଆକୁଳା-ମୌସୁମୀ ପଲ୍ (ଭାରତ)
କା˚ସ୍ୟ: ସୁତୀର୍ଥା ମୁଖାର୍ଜୀ-ଅହିକା ମୁଖାର୍ଜୀ (ଭାରତ)
କା˚ସ୍ୟ: ରୁଇ ଜୁଆନ୍ ଗୋଇ-ଜିନ୍ ରୁ ଵଙ୍ଗ (ସିଙ୍ଗାପୁର)
ପୁରୁଷ ଏକକ (ସିଙ୍ଗାପୁର କପ୍)
ସ୍ବର୍ଣ୍ଣ: ହରମୀତ ଦେଶାଇ (ଭାରତ)
ରୌପ୍ୟ: ଜି.ସାଥିଆନ୍ (ଭାରତ)
କା˚ସ୍ୟ: ଥୋମାସ ଜାର୍ଭିସ୍ (ଇ˚ଲଣ୍ଡ)/ କୋଏନ୍ ପାଙ୍ଗ (ସିଙ୍ଗାପୁର)
ମହିଳା ଏକକ (ଓସେନିଆ କପ୍)
ସ୍ବର୍ଣ୍ଣ: ଆହିକା ମୁଖାର୍ଜୀ (ଭାରତ)
ରୌପ୍ୟ: ମଧୁରିକା ପାଟକର (ଭାରତ)
କା˚ସ୍ୟ: ଶ୍ରୀଜା ଅକୁଳା (ଭାରତ)/ ଟିନ୍ ଟିନ୍ ହୋ (ଇ˚ଲଣ୍ଡ)