ଅହମଦାବାଦ: ନରେନ୍ଦ୍ର ମୋଦୀ କ୍ରିକେଟ୍ ଷ୍ଟାଡିୟମ୍ ଭାରତୀୟ ଦଳ ଲାଗି ଭାଗ୍ୟଶାଳୀ ସାବ୍ୟସ୍ତ ହୋଇଛି। ଅହମଦାବାଦରେ ଖେଳାଯାଉଥିବା ଭାରତ-ଇଂଲଣ୍ଡ ତୃତୀୟ ଟେଷ୍ଟରେ ସହଜ ବିଜୟ ହାସଲ କରିଛି ଭାରତ। ଭାରତୀୟ ସ୍ପିନରମାନଙ୍କ ବୋଲିଂ ଆକ୍ରମଣକୁ ସାମ୍ନା କରି ନ ପାରି ୧୦ ଉଇକେଟରେ ହାରିଯାଇଛି ଇଂଲଣ୍ଡ। ଫଳରେ ଭାରତ ଏହି ସିରିଜରେ ୨-୧ରେ ଆଗୁଆ ରହିଛି।
Sambad is now on WhatsApp
Join and get latest news updates delivered to you via WhatsApp
ଇଂଲଣ୍ଡର ଦ୍ବିତୀୟ ଇନିଂସ ସମାପ୍ତି ପରେ ଆଜି ସଂଧ୍ୟାରେ ମାତ୍ର ୪୯ ରନର ବିଜୟ ଲକ୍ଷ୍ୟ ନେଇ ଭାରତ ବ୍ୟାଟିଂ ଆରମ୍ଭ କରିଥିଲା ଓ କୌଣସି ଉଇକେଟ୍ ନ ହରାଇ ବିଜୟ ଲକ୍ଷ୍ୟ ହାସଲ କରିଥିଲା । ଭାରତ ପକ୍ଷରୁ ରୋହିତ୍ ଶର୍ମା ୨୫ ଓ ଶୁବମନ୍ ଗିଲ୍ ୧୫ ରନ୍ କରି ଅପରାଜିତ ରହିଥିଲେ। ଏହି ଟେଷ୍ଟରେ ସର୍ବାଧିକ ସଫଳ ବୋଲର ଭାବେ ଉଭା ହୋଇଛନ୍ତି ଅକ୍ଷର ପଟେଲ୍ ଓ ଆର୍.ଅଶ୍ବିନ୍ । ଦୁହେଁ ୧୫-୧୫ ଉଇକେଟ୍ ହାସଲ କରିଛନ୍ତି।
ଅହମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଖେଳାଯାଉଥିବା ଭାରତ-ଇଂଲଣ୍ଡ ମଧ୍ୟରେ ଦିବାରାତ୍ର ଟେଷ୍ଟ ମ୍ୟାଚରେ ପ୍ରଥମେ ଟସ ଜିତି ଇଂଲଣ୍ଡ ବ୍ୟାଟିଂ ନିଷ୍ପତ୍ତି ନେଇଥିଲା । ଆଉ ପ୍ରଥମ ଇଂନିସରେ ୧୧୨ ରନରେ ଅଲ ଆଉଟ ହୋଇ ଯାଇଥିଲା । ଇଂଲଣ୍ଡ ପକ୍ଷରୁ ଜ୍ୟାକ କ୍ରଲି ସର୍ବାଧିକ ୫୩ ରନ କରିଥିଲେ । ଭାରତ ମଧ୍ୟ ପ୍ରଥମ ଇଂନିସରେ ମାତ୍ର ୧୪୫ ରନରେ ଅଲଆଉଟ ହୋଇଥିଲା ଓ ଦଳ ପକ୍ଷରୁ ରୋହିତ ଶର୍ମା ସର୍ବାଧିକ ୬୬ ରନ କରିଥିଲେ। ଏହାପରେ ଦ୍ବିତୀୟ ଇନିଂସରେ ମାତ୍ର ୮୧ ରନ କରି ସମସ୍ତ ଉଇକେଟ୍ ହରାଇଥିଲା ଇଂଲଣ୍ଡ ଦଳ। ଭାରତ ପକ୍ଷରୁ ଅକ୍ଷର ୫ ଓ ଅଶ୍ୱିନ ୪ ୱିକେଟ ନେଇ ଇଂଲଣ୍ଡର ବ୍ୟାଟିଂ ବିପର୍ଯ୍ୟୟ ଆଣିଥିଲେ।