ନୂଆଦିଲ୍ଲୀ: ଚୀନକୁ ପେନାଲ୍ଟି ସୁଟଆଉଟ୍‌ରେ ପରାସ୍ତ କରି ଏସିଆ କପ୍‌ ହକି ପ୍ରତିଯୋଗିତାରେ ବିଜେତା ଆଖ୍ୟା ଅର୍ଜନ କରିଥିବା ଭାରତୀୟ ହକି ଦଳର ୧୮ ଜଣ ଯାକ ସଦସ୍ୟଙ୍କୁ ହକି ଇଣ୍ଡିଆ ୧ ଲକ୍ଷ ଟଙ୍କା ଲେଖାଏଁର ଆର୍ଥିକ ପୁରସ୍କାର ପ୍ରଦାନ କରିବ। ସୋମବାର ହକି ଇଣ୍ଡିଆ ଏହି ଘୋଷଣା କରିଛି। ପ୍ରଶିକ୍ଷକ ହରେନ୍ଦ୍ର ସିଂହ ମଧ୍ୟ ୧ ଲକ୍ଷ ପାଇବେ। ଅନ୍ୟ ସହାୟକ ଅଧିକାରୀମାନେ ପ୍ରତ୍ୟେକ ୫୦ ହଜାର ଟଙ୍କା ଲେଖାଏଁ ପକେଟସ୍ଥ କରିବେ। ଭାରତୀୟ ଦଳ ପ୍ରତିଯୋଗିତାରେ ମୋଟ ୨୮ ଗୋଲ୍‌ ଦେବା ସହ ଅପରାଜେୟ ରହି ୧୩ ବର୍ଷ ପରେ ରବିବାର ଏସିଆ କପ୍‌ ଜିତିଥିଲା।