ଟି-୨୦ ବିଶ୍ବକପ୍ ପାଇଁ ଭାରତ ପାଖରେ ୫ ପ୍ରଭାବଶାଳୀ ଅଲରାଉଣ୍ଡର: ବିପକ୍ଷ ଦଳକୁ ଚଟାଇବେ ଧୂଳି, ନାହିଁ ରୋହିତ-ପାଣ୍ଡ୍ୟାଙ୍କ ନାମ

କୋଲକାତା: ଆଇସିସି ଟି-୨୦ ବିଶ୍ୱକପ ପାଇଁ ପ୍ରସ୍ତୁତି ଜୋରସୋରରେ ଚାଲିଛି। ଜୁନ୍ ୧ରୁ ବିଶ୍ୱକପ୍ ଆରମ୍ଭ ହେବାକୁ ଯାଉଛି। ସମସ୍ତ ଦଳ ଏଥିପାଇଁ ପ୍ରସ୍ତୁତ ହୋଇ ସାରିଛନ୍ତି। ପାକିସ୍ତାନ ବ୍ୟତୀତ ଅନ୍ୟ ସମସ୍ତ ଦଳ ସେମାନଙ୍କ ଟିମ୍ ଘୋଷଣା କରିଛନ୍ତି। ଅନେକ ବିପଜ୍ଜନକ ଖେଳାଳିଙ୍କୁ ଭାରତୀୟ ଦଳରେ ସାମିଲ କରାଯାଇଛି।

ଭାରତୀୟ ଦଳରେ ଏପରି ୫ ପ୍ରଭାବଶାଳୀ ଅଲରାଉଣ୍ଡର ଖେଳାଳି ଅଛନ୍ତି ଯେଉଁମାନେ ଚମତ୍କାର ପ୍ରଦର୍ଶନ କରୁଛନ୍ତି । ଭାରତୀୟ ପ୍ରଶଂସକ ଏହି ୫ ଖେଳାଳିଙ୍କ ଠାରୁ ବହୁତ କିଛି ଆଶା କରୁଛନ୍ତି । ଏହି ୫ ପ୍ରଭାବଶାଳୀ ଅଲରାଉଣ୍ଡର ବିପକ୍ଷ ଦଳକୁ  ଧୂଳି ଚଟାଇବାକୁ ସକ୍ଷମ। ସେମାନେ ପଡ଼ିଆରେ  ବ୍ୟାଟିଂ, ବୋଲିଂ ଏବଂ ଫିଲ୍ଡିଂରେ ଉତ୍କୃଷ୍ଟ ପ୍ରଦର୍ଶନ କରିଥାନ୍ତି।

ଭାରତର କିମ୍ବଦନ୍ତୀ ବ୍ୟାଟ୍ସମ୍ୟାନ୍ ବିରାଟ କୋହଲି ଉତ୍କୃଷ୍ଟ ଫର୍ମରେ ଅଛନ୍ତି। କୋହଲିଙ୍କ ପରିସଂଖ୍ୟାନ ପ୍ରମାଣ କରୁଛି ଯେ ସେ ଆଇସିସି ଟି-୨୦ ବିଶ୍ୱକପ୍‌ରେ ଭଲ ପ୍ରଦର୍ଶନ କରିବାକୁ ଯାଉଛନ୍ତି। ଏପରିକି ଆଇପିଏଲ ୨୦୨୪ ରେ, ଏହି ୫ ତାରକା ଖେଳାଳି ନିଜ ପ୍ରଦର୍ଶନରେ ସମସ୍ତଙ୍କୁ ଆଶ୍ଚର୍ଯ୍ୟ କରିଛନ୍ତି ।

ଭାରତୀୟ ଦଳର ଅଧିନାୟକ ରୋହିତ ଶର୍ମା କିମ୍ବା ଭାରତୀୟ ଦଳର ଉପ-ଅଧିନାୟକ ହାର୍ଦ୍ଦିକ ପାଣ୍ଡ୍ୟାଙ୍କ ନାମ ଏହି ପ୍ରଭାବଶାଳୀ ଅଲରାଉଣ୍ଡର ୫ ଖେଳାଳିଙ୍କ ମଧ୍ୟରେ ନାହିଁ। ଏହି ୫ ପ୍ରଭାବଶାଳୀ ଖେଳାଳିଙ୍କ ମଧ୍ୟରେ ବିରାଟ କୋହଲି, ସୂର୍ଯ୍ୟକୁମାର ଯାଦବ, ଯଶସ୍ବୀ ଜୈସ୍ବାଲ, କୁଲଦୀପ ଯାଦବ ଏବଂ ଜସପ୍ରୀତ ବୁମ୍ରାଙ୍କ ନାମ ରହିଛି।