ଲଗାଣ ବର୍ଷା ଯୋଗୁଁ ସମ୍ଭବ ହେଲା ନାହିଁ ଭାରତ ଓ ନିଉଜିଲାଣ୍ଡ୍ ଟିମ୍ ଖେଳିବାକୁ ଥିବା ‘ଟି୨୦ଆଇ’ର ପ୍ରଥମ ମ୍ୟାଚ୍
ନୂଆଦିଲ୍ଲୀ: ୱେଲିଙ୍ଗ୍ଟନ୍ରେ ଅତି ପ୍ରବଳ ବର୍ଷା ଲାଗି ରହିବାରୁ ଆଜି ‘ସ୍କାଏ ଷ୍ଟାଡିୟମ୍’ରେ ଭାରତ ଓ ନିଉଜିଲାଣ୍ଡ୍ ମଧ୍ୟରେ ହେବାକୁ ଥିବା ପ୍ରଥମ ‘ଟି୨୦ଆଇ’ ଖେଳିବା ସମ୍ଭବପର ହୋଇନାହିଁ।
ଏହି ସିରିଜ୍ରେ ୩ଟି ମ୍ୟାଚ୍ ଖେଳାଯିବା କଥା। ପାଗ ଭଲ ଥିବାରୁ ଏହି ସିରିଜ୍ର ଦ୍ବିତୀୟ ମ୍ୟାଚ୍ ରବିବାର ଦିନ ମାଉଣ୍ଟ୍ ମଙ୍ଗନୁଇ ଖେଳାଯିବ।
ଖେଳ ନିମନ୍ତେ ୧୧.୩୦ରେ ଟସ୍ ପଡ଼ିବାର ଥିଲା, କିନ୍ତୁ ୱେଲିଙ୍ଗ୍ଟନ୍ର ସ୍କାଏ ଷ୍ଟାଡିୟମ୍ରେ ଅତି ପ୍ରବଳ ବର୍ଷା ବର୍ଷୁଥିବାରୁ ଟସ୍ ପଡ଼ିପାରିଲା ନାହିଁ। ଆହୁରି ଅଧିକ ବର୍ଷା ଓ ଘଡ଼ଘଡ଼ି ହେବ ବୋଲି ପାଣିପାଗ ବିଭାଗ କହିବା ପରେ ପାଗ ପରିବର୍ତ୍ତନ ହେବାର ଆଶା ନ ଥିବା ପରି ଜଣାପଡୁଛି। ତେଣୁ, କର୍ତ୍ତୃପକ୍ଷମାନେ ଆଜିର ଖେଳ ବାତିଲ କରିବାକୁ ବାଧ୍ୟ ହୋଇଛନ୍ତି।
ନିକଟ ଅତୀତରେ ‘ଟି୨୦ ବିଶ୍ବକପ୍’ ଖେଳ ଶେଷ କରିଥିବା ଦୁଇ ଦଳଙ୍କ ମଧ୍ୟରେ ଏହା ଥିଲା ପ୍ରଥମ ମ୍ୟାଚ୍। ‘ଟି୨୦ ବିଶ୍ବକପ୍’ ଦୁଇ ଦଳ ସେମିଫାଇନାଲ୍ରୁ ବିଦାୟ ନେଇଥିଲେ। ନିଉଜିଲାଣ୍ଡ୍ ପାକିସ୍ତାନ ନିକଟରୁ ପରାସ୍ତ ହୋଇଥିବା ବେଳେ ଇଂଲଣ୍ଡ୍ ଭାରତକୁ ପରାସ୍ତ କରିଥିଲା।
