ମହିଳା ଟି-୨୦ରେ ନ୍ୟୁଜିଲାଣ୍ଡ୍ଠୁ ହାରିଲା ଭାରତ
କୁଇନ୍ସଟାଉନ୍: ନ୍ୟୁଜିଲାଣ୍ଡ୍ ଗସ୍ତରେ ଥିବା ଭାରତୀୟ ମହିଳା କ୍ରିକେଟ୍ ଦଳ ପରାଜୟରୁ ଅଭିଯାନ ଆରମ୍ଭ କରିଛି। ବୁଧବାର ଖେଳାଯାଇଥିବା ଏକମାତ୍ର ଟି-୨୦ ଆନ୍ତର୍ଜାତିକ ମ୍ୟାଚ୍ରେ ହର୍ମନପ୍ରୀତ୍ କୌରଙ୍କ ଭ୍ରମଣକାରୀ ଦଳ ୧୮ ରନ୍ରେ ଘରୋଇ ନ୍ୟୁଜିଲାଣ୍ଡ୍ ନିକଟରୁ ପରାସ୍ତ ହୋଇଛି। ଟସ୍ ଜିତି ଭାରତ ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା। ଘରୋଇ ଦଳ ୫ ୱିକେଟ୍ ବିନିମୟରେ ୧୫୫ ରନ୍ କରିଥିଲା। ଜବାବରେ ଭାରତ ୧୩୮/୮ରେ ସୀମିତ ରହିଯାଇଥିଲା। ପ୍ରଥମ ୱିକେଟ୍ରେ ୬.୩ ଓଭରରୁ ୪୧ ରନ୍ ହିଁ ଭାରତ ପାଇଁ ସର୍ବୋଚ୍ଚ ଭାଗିଦାରୀ ଥିଲା। ଅଲ୍ରାଉଣ୍ଡ୍ ପ୍ରଦର୍ଶନ ପାଇଁ ତାହୁହୁ ମ୍ୟାଚ୍ର ଶ୍ରେଷ୍ଠ ଖେଳାଳି ପୁରସ୍କାର ପାଇଥଲେ।
Sambad is now on WhatsApp
Join and get latest news updates delivered to you via WhatsApp
ସଂକ୍ଷିପ୍ତ ସ୍କୋର୍: ନ୍ୟୁଜିଲାଣ୍ଡ୍ ୨୦ ଓଭରରେ ୧୫୫/୫ (ସୁଜି ବେଟ୍ସ-୩୬, ଦେବିନେ-୩୧, ତାହୁହୁ-୨୭, ମାଡି ଗ୍ରିନ୍-୨୬, ଆମେଲିଆ କେର୍-୧୭, ପୂଜା ଭସ୍ତ୍ରକାର-୨/୧୬, ଦୀପ୍ତି ଶର୍ମା- ୨/୨୬, ରାଜେଶ୍ବରୀ ଗାଏକ୍ବାଡ-୧/୩୯)। ଭାରତ ୨୦ ଓଭରରେ ୧୩୮/୮ (ସାଭିନେନି ମେଘନା-୩୭, ୟାସ୍ତିକା ଭାଟିଆ-୨୬, ଶେଫାଳି ବର୍ମା-୧୩, ହର୍ମନପ୍ରୀତ୍ କୌର-୧୨, ରିଚା ଘୋଷ-୧୨, ସିମ୍ରନ୍ ବାହାଦୁର-୧୦, ପୂଜା ଭସ୍ତ୍ରକାର-୧୦, ଜେସ୍ କେର୍-୨/୨୦, ଆମେଲିଆ କେର୍-୨/୨୫, ହାଲେ ଜେନ୍ସନ୍-୨/୨୫)।